| Fuendetodos | |||
|---|---|---|---|
 | |||
| municipo en Hispanio | |||
| Administrado | |||
| Poŝtkodo | 50142 | ||
| En TTT | Oficiala retejo [+] | ||
| Demografio | |||
| Loĝantaro | 150 (2023) [+] | ||
| Loĝdenso | 2 loĝ./km² | ||
| Geografio | |||
| Geografia situo | 41° 20′ N, 0° 58′ U (mapo)41.3413479-0.95945789999999Koordinatoj: 41° 20′ N, 0° 58′ U (mapo) [+] | ||
| Alto | 750 m [+] | ||
| Areo | 62,199203 km² ( 621 9.9 203 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Fuendetodos [+] | |||
Fuendetodos estas vilaĝo de Hispanio en la nordokcidento de la komarko Belĉita Kampo kies ĉefurbo estas Belchite, en la sudo de la Provinco Zaragozo (regiono Aragono). Ĝi estas konata ĉefe ĉar en unu el ties domoj naskiĝis la tutmonde fame konata pentristo Francisco de Goya y Lucientes en la jaro 1746.
Geografio
Fuendetodos estas municipa teritorio en la nordokcidento de la komarko Belĉita Kampo inter tiuj de La Puebla de Albortón oriente kaj Azuara sude. La loĝloko estas je 44 km de Zaragozo, provinca kaj regiona ĉefurbo, je 750 msm. Ĝi estas tute inter Villanueva de Huerva apude oriente kaj Belchite sudoriente laŭ la regiona ŝoseo A-220. Survoje norde estas domaro Torrecilla de Valmadrid (signife tureto).
Historio
La konkero de la areo el islamanoj estis farita en la 12-a jarcento. Plue restis grava majoritato de moriskoj, kiuj laboris por agrikulturo; sed komence de la 17-a jarcento okazis la forpelo de la moriskoj el Hispanio, kio rezultis en krizo por la loko. La loknomo rilatas al la Fuente Vieja (malnova fonto, fuente de todos, ĉiesfonto) kaj fakte dekomence la loko nomiĝis Fuentedetodos. Ekde la 14-a jarcento la loko apartenis al la familio Fernández de Heredia, konataj kiel Grafoj de Fuentes.
Dum la Hispana Enlanda Milito en Aŭgusto 1937 okazis batalo en apuda Belchite en la kadro de la Ofensivo al Zaragozo, kiu rezultis malsukcesa.
Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj same en Fuendetodos kie oni malaltiĝis ĝis nunaj 142 laŭlonge de la jarcento. Evidente elmigrado foriris al apuda grandurbo Zaragozo.
Aktualo
Bazo de ekonomio nun estas agrikulturo (cerealoj, olivarboj kaj migdalarboj) kaj ĉefe brutobredado (ŝafoj kaj kaproj) kaj sekva nutrindustrio krom ventogeneratoroj. Nune gravas ankaŭ natura, kultura kaj rura turismo. Iam ludis gravan rolon la neĝujoj kiuj vendis glacion al la ĉefurbo. Nunaj vidindaĵoj estas la dom-muzeo pri Goya, du statuoj omaĝe al Goya, artgalerio ARTEfuendetodos kaj surstrata artgalerio Goya Street Art Museum, neĝujoj, la preĝejo rekonstrita postmilite, restaĵoj de la kastelo, lavejo El Val, naturaj lokoj (pinaroj kaj aliaj arbaroj), interpretejo Fuendeverde kaj Vertico de Sierra Gorda, nome fortikaĵoj de la Hispana Enlanda Milito.
Bildaro
Statuo de Francisco de Goya antaŭ lia naskodomo.
Gravuraĵo de Francisco de Goya videbla en la loka muzeo.
Neĝujo Culroya, Fuendetodos.
Neĝujo Culroya el la interno.
Francisco de Goya. Julio A. Rodríguez Hernández, bronzo (1920),
Fasado de la domo de Francisco de Goya.
Memortabulo en la fasado de la domo de Francisco de Goya.
Kuirejo de la domo de Francisco de Goya.
Kuirejo de la domo de Francisco de Goya.
Salono de la domo de Francisco de Goya.
Skribmeblo en la salono.
Dormoĉambro.
Sonorilturo de la preĝejo de Nuestra Señora de la Asunción.
Pordego de la preĝejo.
Ekstero de la templo.