| Frenkendorf | |
|---|---|
 Blazono de Frenkendorf | |
 Frenkendorf | |
| komunumo en Svislando | |
| Kantono | Bazelo Kampara |
| Distrikto | Liestal |
| Koordinatoj | 47° 30′ 12″ N 7° 42′ 53″ O / 47.50333 °N, 7.71472 °O (mapo)Koordinatoj: 47° 30′ 12″ N 7° 42′ 53″ O / 47.50333 °N, 7.71472 °O (mapo) |
| Nombro de loĝantoj | 6128 |
| Areo | 4,58 km² |
| Alteco | 337 m super marnivelo |
| Poŝtkodo | 4402 |
| Komunumkodo | 2824 |
 Mapo de Frenkendorf | |
Pri la komunumo
Frenkendorf estas komunumo en la distrikto Liestal en Kantono Bazelo Kampara, Svislando. Ĝi havis 6128 loĝantojn je la 31-a de decembro 2008.
Geografio
Frenkendorf situas norde de Liestal kaj dekdu kilometrojn sudoriente de Bazelo en la valo de la rivero Ergolz, kies fluo tamen ne tuŝas la teritorion de la komunumo sed pasas oriente de ĝi. La malnova vilaĝkerno situas sur iomete altigita teraso super la valo. Post la konstruo de la fervojlinio en la jaro 1854 laŭlonge de la fervojo estiĝis Neu-Frenkendorf (Nov-Frenkendorf) en la grundo de la valo.
Najbaraj komunumoj
La komunumo Frenkendorf limas en nordo al Pratteln, en oriento al Füllinsdorf, en sudo al Liestal, en okcidento al Nuglar-Sankt Pantaleon (Kantono Soloturno), Gempen (Kantono Soloturno), kaj en nordokcidento en unu pinto al Muttenz.
Trafiko
Frenkendorf situas ĉe la fervojlinio de Olten al Bazelo. Ĝia stacidomo estas servata de la regiona trajnlinio S3 en duonhora kadenco.
La plej proksima aŭtoŝosealiro situas en distanco de du kilometroj en Pratteln al la nacia aŭtoŝoseo A2.
Historio
La unua dokumenta mencio de Frenkendorf datiĝas el la jaro 1249 jam sub la nuna nomo.
Sur la monteto Schauenburg arkeologoj trovis la restaĵoj de gaŭlo-romia sanktejo kaj romiaj moneroj el la 1-a ĝis la 4-a jarcento post Kristo.
La Sinjoroj de Eptingen el Pratteln akiris en la 14-a kaj 15-a jarcento grandan parton de la vilaĝo kaj vendis ĝin inter 1517 kaj 1525 al la urbo Bazelo, kiu atribuis ĝin al la voktejo Liestal. La alta jurisdikcio restis tamen ĉe la voktejo Farnsburg. Post la Bazela Kantondisiĝo de 1832 Frenkendorf estis en la jaro 1833 aligitia al la nova Kantono Bazelo Kampara.
Vidu ankaŭ
Eksteraj ligiloj
| ||||||
