Frederick Edward Wadham
Persona informo
Naskiĝo 2-an de marto 1902 (1902-03-02)
Morto 26-an de decembro 1973 (1973-12-26) (71-jaraĝa)
Lingvoj Esperanto • angla
Ŝtataneco Unuiĝinta Reĝlando (Britio)
Okupo
Okupo esperantisto

Frederick Edward WADHAM (ŭodm), anglo, bankoficisto. Naskiĝis en la 2-a de marto 1902 en Battersea, London, mortis la 26-an de decembro 1973[1]. Instruisto de Esperanto oficiale difinita de la Londona Kleriga Aŭtoritato, instruis en vesperaj lernejoj de 1923. Londona Esperanto-Klubo: sekretario 1926, vicprezidanto 1927, prezidanto 1929-33, direktoro de instruado 1933. BEA: Konsilanto kaj membro de ekzekutiva komitato 1924-26 kaj denove de 1934; agado ĉe diversaj komitatoj, komisiano por la licenciata ekzameno de 1932. UEA-delegito de 1923, brita ĉefdelegito de 1933. Helprededaktanto de „International Language“ 1924-26. Tradukando de „Riĉa kaj sen mono“ de E. P. Oppenheim, LK de 1932. Prezidanto de UK 1930 en Londono.

Traduko

  • E. Phillips Oppenheim. Riĉa kaj sen mono. Eld. The Esperanto Publishing Co Ltd. London, 1935?
Citaĵo
„ Ĉi tiu libro estas la lasta presita en Nederlando ; la Esp-o Publishing Co daŭrigos la edonadon de bele binditaj malmultekostaj romanoj.

Estas rakontitaj en la volumo, la aventuroj de juna dando, milionulo kiu ne laboras kaj nur uzas sian tempon, ĉiam pripensante novajn manierojn por elspezi sian monon, neniam farante ion bonan aŭ utilan. Ofendite de kuracisto, li vetas kun ĉi lasta pergajni mem sian vivon dum tuta jaro, neniam uzante sian potencon de riĉulo. Ĉiuj travivaĵoj kaj spertoj liaj, kiuj ne ĉiam estas gajaj aŭ kuraĝigaj, estas detale kaj kun la konata precizeco de Oppenheim priskribitaj kaj konsistigas agrablan distran legaĵon. Koncerne la lingvon, la stilo estas agrabla, la traduko ĝenerale bona. Ni tamen devas fari kelkajn rimarkojn ; kial « ŝofero » anstataŭ « ŝoforo »? ĉu oni eterne diskutos pri tiaj aferoj? — Post « antaŭ » devas veni « ol » antaŭ infinitivo. « Sin kolekti » estas anglismo. — ĉu la vorto « bukmekro » estas necesa?

Laŭ eksteraĵe, la libro estas bela ornamo por ĉiu esp-obiblioteko. ”
— Belga esperantisto n224 (okt 1935)

Referencoj

  1. ↑ The British Esperantist : the official organ of the British Esperanto Association. Vol. 70, no 800 (Marto/Aprilo 1974), p. 213

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.