Frans Schoofs
Persona informo
Naskiĝo 22-an de majo 1888 (1888-05-22)
Morto 12-an de marto 1934 (1934-03-12) (45-jaraĝa)
Lingvoj Esperanto
Ŝtataneco Belgio
Subskribo Frans Schoofs
Familio
Edz(in)o Henriette van den Putte
Okupo
Okupo esperantisto

Frans SCHOOFS [sĥofs] (naskiĝis la 22-an de majo 1888 en Antverpeno, mortis post grava kvartaga malsano la 12-an de marto 1934 en Antverpeno) estis la sekretario de la Antverpena Asocio de l' Malkaraj Loĝejoj. Li estis esperantisto de la junulaj jaroj, kaj kunfondinto kaj unua prezidanto de la Esperanto-grupo La Verda Stelo en Antverpeno, kio li restis ĝis 1927. Post la fino de la unua mondmilito li fariĝis direktoro de la periodaĵo Belga Esperantisto, de 1927 prezidanto de Belga Ligo Esperantista. Li fondis kun kelkaj aliaj la eldonan societon Belga Esperanto-Instituto kaj prezidis ĝian administrantaron. Schoofs estis ĉefdelegito de UEA kaj sekretario kaj fakte gvidanto de l' Konstanta Reprezentantaro de la Naciaj Societoj. Li ĉeestis ĉiujn UK-jn post la milito kaj kunlaboris multe en la organizado de la 7-a kaj 20-a Universala Kongreso de Esperanto en Antverpeno en 1911 kaj 1928.

Verkoj

Esperanto Leerboekje (lernolibro) verkita de Frans Schoofs.
  • Leerboekje van de internationale hulptaal Esperanto. Belga Esp.-instituto. Antwerpen 1926. 32-paĝa
Citaĵo
„ Broŝuro, enkonduka lernlibreto kun jena strukturo: 1) Resumo de la lingvo: Elparolado, ĉefelementoj de la gramatiko kaj la afiksaro. 2) Naŭ lecionetoj traktantaj la tutan gramatikon (nur la tabelo pri la korelativoj mankas) kaj la vortfaradon. La Esperantaj tekstoj temas pri la problemo de lingvo internacia kaj ĝia solvo per Esperanto. 3) Vortareto Esperanto-Nederlanda enhavanta la ĉ. 600 vortojn uzitajn en la broŝuro. ”

Tradukoj

Citaĵo
„ Jen libreto jam de longe anoncita kaj senpacience atendita ! Ni tuj diru, ke ĝi plene kontentigas nian atendadon kaj ĉiujn eblajn postulojn. Ne nur ĝi prezentiĝas simpatie , sed ĝi estas presita klare kaj estas (krom kelkaj bedaŭrinde neeviteblaj preseraroj) tute korekta! Mi ne ŝancelas diri, ke, kun «Het Esperanto in tien lessen» de nia amiko Wittoryck, ĝi estas la plej bona libro Esperanta en flandra-holanda lingvo. La «Fundamento» mankis en flandra lingvo! Nia eminenta amiko Frans Schoofs forigis tiun mankon, kaj tion faris kun la konscio kaj la alta kapableco, kiu karakterizas ĉion, kion li entreprenas. Gratuloj al li, kaj vi, flandraj kaj holandaj amikoj, diskonigu tiun verkon de nia Majstro Zam enhof, propagandu per ĝi nian karan lingvon ! ”
— L. Cogen. Belga Esperantisto n088-089 (jun-jul 1922)

Recenzoj

Pri Leerboekje van de internationale hulptaal Esperanto



Vidu ankaŭ

Bibliografio

  • Cogen, L. 1934 : en Esperanto (UEA) Aprilo 1934, p. 56 (nekrologo); kun portreta foto kaj foto de la ĉerko p. 55.

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.