| France 24 | ||
|---|---|---|
 | ||
| televidstacio • faka televida kanalo • state media vd | ||
| Dum | 6-a de decembro 2006 - nekonata/nuntempe | |
| Sidejo | Issy-les-Moulineaux | |
| Lando | Francio | |
| Posedata de | France Médias Monde vd | |
| Posedataj kompanioj | France 24 website vd | |
| TTT | Oficiala retejo | |
France 24 estas franca 24-hora tutmonda satelita novaĵelsendanto. Ĝi estas kreita kaj finance subtenita de la franca registraro. Fine de 2006 oni ekelsendis en Eŭropo, Afriko, Mezoriento kaj Usono (sole en Vaŝingtono kaj Novjorko).
La franca registaro esperas per France 24 povi kontraŭi la tro fortan influon de la usona kaj brita vidpunktoj dissendataj pere de CNN, BBC World, Sky News kaj Voice of America. Ekde la komenco de la 2-a Golfa Milito la franca registaro zorgas pri tio ke la unuflanka komunikado de la anglalingvaj amaskomunikiloj ne korekte informas pri iliaj vidpunktoj kaj/aŭ apenaŭ estas menciataj.
Praktika flanko
La nova televida kanalo estas administrata de la grupo TF1 kaj France Télévisions. Programoj ankaŭ estas kreitaj de AFP, Radio France Internationale, TV5 Monde, Arte, EuroNews, kaj La Chaîne Parlementaire.
Elsendoj
France 24 elsendas laŭ du kanaloj: unu estas tute franclingva kaj dua estas ĉefe en la angla. Je tiu dua kanalo ekde la jaro 2007 ankaŭ aperas programoj en la araba kaj la hispana lingvoj.