Filipo la 2-a de Hispanio Filipo la 1-a de Portugalio
Reĝo de Hispanio kaj Portugalio
Antaŭulo	vidu sube
Sekvanto	vidu sube
Persona informo
Felipe II
Naskonomo	hispane Felipe II portugale Filipe I
Naskiĝo	21-an de majo 1527 (1527-05-21) en Palaco de Pimentel, Valadolido
Morto	13-an de septembro 1598 (1598-09-13) (71-jaraĝa) en Monaĥejo de El Escorial, San Lorenzo de El Escorial
Mortis pro	naturaj kialoj vd
Mortis per	kancero vd
Tombo	reĝa kripto de El Escorial vd
Lingvoj	hispana vd
Ŝtataneco	Hispanio • Reĝlando Portugalio vd
Subskribo
Familio
Dinastio	Habsburga dinastio en Hispanio • Habsburga Hispanio vd
Patro	Karlo la 5-a vd
Patrino	Izabela de Portugalio vd
Gefratoj	Maria de Aŭstrio • Infante Fernando of Austria • Johanino de Aŭstrio, Princino de Portugalio • Isabel of Castile • Margareta de Parmo • Tadea of Austria • Johano de Aŭstrio vd
Edz(in)o	Maria Manuela de Portugalio • Maria la 1-a • Elizabeto de Valois • Anna de Aŭstrio vd
Amkunulo	Margaretha of Waldeck-Wildungen vd
Infanoj	Karlo, princo de Asturio • Izabela Klara Eŭgena de Hispanio • Catalina Micaela of Spain • Ferdinando Habsburgo • Infante Carlos Lorenzo of Spain • Diego de Aŭstrio • Filipo la 3-a • Infanta Maria of Spain vd
Parencoj	Maria Manuela de Portugalio • Maksimiliano la 2-a • Maria la 1-a vd
Profesio
Okupo	reganto vd
Postenoj Postenoj monarko de Kastilio kaj Leono • monarko de Portugalio • monarko de Aragono • Senjoro de Nederlando • King of England (jure uxoris) • King of Ireland (Iure uxoris) • monarko • reĝo de Sardio • monarko • King of Naples • King of Sicily vd
Honorigoj Honorigoj Kavaliro de la Ordeno de la Sankta Tombo en Jerusalemo • Grand Master of the Order of the Tower and Sword • Ordeno de la Ĝartero vd
Reĝo de Hispanio
Filipo la 2-a
Dum	1556 - 1598
Antaŭulo	Karlo la 1-a
Sekvanto	Filipo la 3-a
Reĝo de Portugalio
Filipo la 1-a
Dum	1580 - 1598
Antaŭulo	Sebastiano la 1-a, Henriko la 1-a
Sekvanto	Filipo la 2-a
vd	Fonto: Vikidatumoj

Filipo la 2-a (Felipe II), estis reĝo de Hispanio (1556-1598) kaj de Portugalio (kiel Filipe I) (1580-1598). Li naskiĝis en Valadolido, je la 21-a de majo 1527 en la Palaco de Pimentel kaj mortis en El Escorial (Madrido), je la 13-a de septembro 1598.

Vivo

Li estis filo de imperiestro Karlo la 5-a (Karlo la 1-a de Hispanio) kaj de Izabela de Portugalio. Li edziĝis kvarfoje: kun Maria Manuela de Portugalio, Maria Tudor, Izabela de Valois kaj Anna de Aŭstrio – ne la sama kiel Anna de Aŭstrio (1601-1666).

Filipo reĝis el 1556, kiam abdikis lia patro. Li neniam uzis la titolon de reĝo de Hispanio, sed de Kastilio, Leono, Aragono, Navaro kaj de siaj tutmondaj teritorioj, kiuj etendiĝis en Eŭropo, la nove konkeritaj landoj en Ameriko kaj ankaŭ en Azio (Filipinoj, tiel nomataj laŭ lia nomo).

En 1580, post la morto sen filoj de la reĝo Sebastiano la 1-a de Portugalio en la batalo de Alcazarquivir, li estis agnoskita kiel reĝo ankaŭ de tiu lando, kaj de ĝiaj propraj konkeraĵoj. Dum tiu periodo oni prave diris ke en liaj posedaĵoj "neniam subiris la suno".

Li pasigis la plejmulton de la tempo en Hispanio, kaj specife en Madrido, kiun li potencigis kiel grava nova ĉefurbo. En la ĉirkaŭaĵoj, post grava batalo kontraŭ la franca reĝo (San Quintín/Saint Quentin), li konstruigis la Monaĥejon de Eskorialo, imponan monumenton kien li retiriĝis en la lastaj momentoj de sia vivo.

Lian reĝadon karakterizas senĉesa batalado, kontraŭ la francoj, turkoj (batalo de Lepanto), nederlandanoj, angloj (Granda Mararmeo), kaj ankaŭ kontraŭ diversaj malamikoj en la ibera duoninsulo mem (moriskoj, protestantoj).

Li suferis multajn malfacilaĵojn dum sia regado, ekzemple la malfacilan rilaton kun sia filo Don Karlo, kiun li enprizonigis kaj laŭ onidiroj murdis.