| Fessenheim | ||
| alzace: Fàssene | ||
| komunumo | ||
 Urbodomo | ||
|
||
| Oficiala nomo: Fessenheim | ||
| Regno | .svg.png.webp){kind=small} Francio | |
|---|---|---|
| Regiono | Alzaco | |
| Departemento | Haut-Rhin | |
| Arondismento | Guebwiller | |
| Kantono | Ensisheim | |
| Interkomunumreto | Essor du Rhin | |
| Rivero | Rejno | |
| Situo | Fessenheim | |
| - koordinatoj | 47° 54′ 56″ N 7° 32′ 12″ O / 47.91556 °N, 7.53667 °O (mapo) | |
| Plej alta punkto | ||
| - alteco | 215 m s. m. | |
| Plej malalta punkto | ||
| - alteco | 201 m s. m. | |
| Areo | 18,4 km² (1 840 ha) | |
| Loĝantaro | 2 296 (2009) | |
| Denseco | 124,78 loĝ./km² | |
| Urbestrino | Fabienne Stich | |
| Horzono | MET (UTC+1) | |
| - somera tempo | MET (UTC+2) | |
| Poŝtkodo | 68740 | |
| INSEE | 68091 | |
 Situo de Fessenheim kadre de Francio  Situo de Fessenheim kadre de Francio
| ||
 Situo de Fessenheim kadre de Haut-Rhin Situo de Fessenheim kadre de Haut-Rhin
| ||
 Vikimedia Komunejo: Fessenheim | ||
| Retpaĝo: http://www.fessenheim.fr/ | ||
.svg.png.webp)
Fessenheim (en la loka alzac-alemana lingvo: Fàssene) estas franca komunumo en departemento Haut-Rhin en regiono Alzaco, situanta ĉ. 25 km nordoriente de Mulhouse, rekte ĉe la apudrejna kanalo kaj la Rejno; tiel ĝi limas al sia ĝemela urbo Hartheim en Germanio. Fessenheim membras en la alzaca komunumaro (Communauté de communes Essor du Rhin).
Konstruaĵoj
- La baroka preĝejo estis konstruita en 1774.
- La baraĵo en la apudrejna kanalo ("Grand Canal d'Alsace") apartenas al la akvoelektrejo.
- La 20-an de majo 2006 estis inaŭgurita nova unu-traka ponto ("Alain-Foechterle-Erich-Dilger-ponto") trans la Rejno, kiu ligas Fessenheim kun sia ĝemela urbo Hartheim.
- Nur 1,5 km de la vilaĝa centro situas la atomelektrejo Fessenheim, kiu ekfunkciinte en 1978 estas la plej malnova ankoraŭ deĵoranta atomelektrejo de Francio. Ĝi havas du premakvajn reaktorojn de po 880 megavatoj. Ĝi situas en sisme aktiva zono de oftaj tertremoj, kaj jam plurfoje okazis paneoj en la malnova atomelektrejo. Tio estas kaŭzo por zorgigi multajn najbarojn, aparte en la najbara regiono de Germanio.
Muzeo
En Fessenheim troviĝas muzeo pri Victor Schœlcher (1804-1893), franca politikisto engaĝita kontraŭ sklaveco (aboliciismo), kies gepatroj devenis el Fessenheim. Eksponaĵoj pri li troviĝas en Musée de la Hardt.
Akvoturo
Akvoelektrejo
Kluzo Fessenheim
Transrejna ponto ĉe Fessenheim (2010)
Partneraj urboj
Fessenheim havas partnerecon kun komunumo Schœlcher sur Martinique kaj kun Hartheim (ekde 1991), la najbara transrejna komunumo en Brisgovio.
Esperanta vivo
Okaze de la eŭropaj balotoj 2004, Eŭropo - Demokratio - Esperanto ricevis 1 voĉdonon (0,17 %) kaj okaze de la eŭropaj balotoj 2009, Eŭropo - Demokratio - Esperanto ricevis 3 voĉdonojn (0,56 %).
Vidu ankaŭ
- Radio Dreyeckland
- Atomelektrejo Fessenheim