| Ferenc Jáki | |
|---|---|
hungara poeto, mezlerneja profesoro, esperantisto  | |
| Persona informo | |
| Naskiĝo | 16-an de novembro 1919 en Hungario, Érd-Ófalu |
| Morto | 27-an de marto 2010 en Hungario, Budapest |
| Lingvoj | Esperanto • hungara |
| Nacieco | Hungaro |
| Ŝtataneco | Hungario |
| Okupo | |
| Okupo | esperantisto • poeto • kulturhistoriisto |
| Esperanto | |
| Esperantistiĝis en | 1964 |
JÁKI Ferenc (naskiĝis la 16-an de novembro en 1919, en Érd-Ófalu mortis la 27-an de marto 2010) estis hungara honora membro de UEA.
Vivo
Li estis emerita gimnazia instruisto, doktoro pri klasika filologio. Li lernis Esperanton en kurso de Julio Baghy en 1961. Li havas grandajn meritojn pri la ŝtata rekono de Esperanto en Hungario, ĉar li, kune kun la forpasinta prof. Szerdahelyi, iniciatis la leĝigon de la elekteblo de Esperanto kiel studobjekto en hungaraj lernejoj kaj starigon de Ŝtata Ekzamenkomisiono, kiun li prezidis ekde 1967 ĝis 1998. Membro de Hungaria Esperanto-Asocio ekde 1964, li estis ties estrarano kaj komitatano dum pluraj mandatoj. Jáki ankaŭ tradukis el la hungara, prelegvojaĝis, kaj instruis Esperanton laŭ la Cseh-metodo en pluraj landoj.
Li verkis versojn, arte skulptis, pentris, fotis.
Membreco
- membro de Hungaria Esperanto-Asocio ekde 1964
- membro de Universala Esperanto-Asocio - ????[1]
- kavaliro de Hungara Kulturo depost 1999
Versaĵaro
Inter 1988 kaj 1998 ekaperintaj libroj de versoj:
- Gesztenyevirágok őszi verőfényben,
- Fecskefészek-csillagszóró,
- Legindaj legaĵoj /hungara-esperanto versaĵaro/,
- Kódexversek /ilustrita versaĵaro/,
- Naptár avagy kalendárium.
Kulturhistoriaj artikoloj
Inter 1970 kaj 1985 dek ekaperintaj kultur-historiaj artikoloj en la jarlibro "Füles".
Notoj/referencoj
- ↑ En ambaŭ organizaĵo estas honora kaj porĉiama membro.
Fontoj
- Arkivo de Hungaria Esperanto-Asocio