| Fenin-Vilars-Saules | |
|---|---|
 Blazono de Fenin-Vilars-Saules | |
| Blazono de Fenin-Vilars-Saules | |
 Muelilo de Bayerel en Fenin-Vilars-Saules | |
| Muelilo de Bayerel en Fenin-Vilars-Saules | |
| former municipality of Switzerland | |
| Kantono | Neŭŝatelo |
| Komunumo(j) | Val-de-Ruz |
| Koordinatoj | 47° 2′ 0″ N 6° 55′ 40″ O / 47.03333 °N, 6.92778 °O (mapo)Koordinatoj: 47° 2′ 0″ N 6° 55′ 40″ O / 47.03333 °N, 6.92778 °O (mapo) |
| Nombro de loĝantoj | 820 |
| Areo | 6,48 km² |
| Alteco | 750 m super marnivelo |
| Poŝtkodo | 2063 |
 Mapo de Fenin-Vilars-Saules | |
| Mapo de Fenin-Vilars-Saules | |
Fenin-Vilars-Saules estis ĝis la 31-a de decembro komunumo en la distrikto Val-de-Ruz en Kantono Neŭŝatelo, Svislando. Kun efiko de la 1-a de januaro 2013 la ĝis tiam aŭtonomaj komunumoj Boudevilliers, Cernier, Chézard-Saint-Martin, Coffrane, Dombresson, Engollon, Fenin-Vilars-Saules, Fontainemelon, Fontaines, Le Pâquier, Les Geneveys-sur-Coffrane, Les Hauts-Geneveys, Montmollin, Savagnier, kaj Villiers estis kunigitaj al la nova komunumo Val-de-Ruz. Feinin-Vilars-Saules havis 820 loĝantojn je la 31-a de decembro 2010.
Geografio
Fenin-Vilars-Saules situas en la Valo de Ruz en la Neŭŝatela Ĵuraso proksimume 5 kilometrojn norde de la kantonĉefurbo Neŭŝatelo ĉe la suda bordo de la rivero Seyon. La komunumo konsistas el la tri vilaĝoj Fenin sur alteco de 756 m s.m., Vilars sur alteco de 746 m s.m. kaj Saules sur alteco de 800 m s.m., kaj diversaj izolitaj bienoj. La sudan liman formas la kresto de la plej suda ĉeno de la Ĵurasa Montaro, nome Chaumont, kie sur alteco de 1151 m s.m. situas la plej alta punkto de la komunumo.
La teritorio de la komunumo etendiĝas sur areo de 6,48 km², de kiuj 49,4% estas kovritaj de arbaro, 44,0% servas por agrikulturo kaj 6,9% por setlado. [1]
Najbaraj komunumoj
La komunumo Fenin-Vilars-Saules limas en nordo al Engollon, en nordoriento al Savagnier. En sudoriento kaj sudo sur la kresto de la plej suda ĵurasa montoĉeno, Chaumont, al la kantonĉefurbo Neŭŝatelo, en sudokcidento al Valangin, kaj en okcidento al Fontaines.
Trafiko
La komunumo situas flanke de la gravaj trafikvojoj. Tra la komunumo pasas la vojo n-ro 1003 de Neŭŝatelo al Saint-Imier, kaj konekta vojo konkudas de Fenin-Vilars-Saules al Savagnier. Per buslinio de Neuŝatelo tra Savagnier al Cernier la komunumo estas konektita al la publika transportreto.
Historio
La hodiaŭa komunumo estis kreita en la jaro 1875, kiam la ĝis tiam memstaraj komunumoj Fenin, Vilars kaj Saules kunfandiĝis.[2] La unua dokumenta mencio de Fenin datiĝis el la jaro 1191 kiel Finilis.[3] Saules la unuan fojoj estis menciita en la jaro 1269 kiel Sales.[4] Dum mezepoko la tri vilaĝoj Fenin Vilars Saules apartenis al la Senjorujo kaj poste Majorujo Valangin. Kun efiko de la 1-a de januaro 2013 Fenin-Vilars-Saules kun 14 aliaj komunumoj de la distrikto kuniĝos al la nova komunumo Val-de-Ruz.
Notoj kaj referencoj
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Dominique Quadroni: Fenin-Vilars-Saules en Historia Leksikono de Svislando (2005-01-11)
- ↑ Fonto: Maurice Evard: Fenin en Historia Leksikono de Svislando (2011-02-17)
- ↑ Fonto: Maurice Evard: Saules en Historia Leksikono de Svislando (2011-02-17)
Eksteraj ligiloj
- Oficiala retejo de la komunumo Fenin-Vilars-Saules
- Fenin-Vilars-Saules en la Historia Leksikono de Svislando (germane, france, itale)
- Vidu ankaŭ en la Vikimedia Komunejo la kategorion Fenin-Vilars-Saules – (Kolekto de bildoj kaj plurmediaj dosieroj)
| ||||||
