| Feng Youlan | |||||
|---|---|---|---|---|---|
 | |||||
| Persona informo | |||||
| Naskiĝo | 4-an de decembro 1895 en Tanghe County | ||||
| Morto | 26-an de novembro 1990 (94-jaraĝa) en Pekino | ||||
| Religio | Konfuceismo vd | ||||
| Lingvoj | ĉina vd | ||||
| Ŝtataneco | Popola Respubliko Ĉinio • Respubliko Ĉinio • Dinastio Qing vd | ||||
| Alma mater | Pekina Universitato • Universitato Kolumbio • Tsinghua Universitato • Central China Normal University vd | ||||
| Partio | Kuomintango vd | ||||
| Familio | |||||
| Patro | Feng Taiyi vd | ||||
| Gefratoj | Feng Yuanjun • Jinglan Feng vd | ||||
| Infanoj | Zong Pu vd | ||||
| Profesio | |||||
| Okupo | filozofo • historiisto pri filozofio • historiisto • universitata instruisto vd | ||||
| Laborkampo | filozofio vd | ||||
| Aktiva en | Popola Respubliko Ĉinio vd | ||||
| Verkado | |||||
| Verkoj | History of Chinese Philosophy vd | ||||
| |||||
| |||||
| |||||
Filozofo  | |||||
| vd | Fonto: Vikidatumoj | ||||
Feng Youlan (naskiĝis la 4-an de decembro 1895 en Qiyi, prowinco Henano, mortis la 26-an de novembro 1990 en Pekino) – ĉina filozofo kaj historiisto pri filozofio, aŭtoro de la tre influa Historio de la ĉina filozofio.
En 1911 eklernis en mezlernejo de Ŝanhajo, kaj en 1915 ekstudis ĉe Universitato de Pekino, kiun finis en 1918. Unu jaron poste veturis al Usono. Tie, ĉe Universitato Kolumbio, en la jaroj 1922-23, sub gvido de John Dewey, preparis doktorecan tezon, komparante okcidentajn kaj ĉinajn vividealojn; la disertaĵon eldonis en Ĉinio sub la titolo Filozofio de la vivo. Sen repreno de la diplomo revenis al Ĉinio kaj komencis labori kiel lekciisto ĉe Universitatoj en Zhongzhou kaj Gŭangdongo
En 1928 iĝis profesoro ĉe Universitato Qinghua, kun kiu translokiĝis en la sudon de Ĉinio dum la dua ĉina-japana milito 1937-45. Fine de la 40-aj jaroj denove, mallongtempe, vojaĝis al Usono. En 1952 iĝis profesoro de Pekina Universitato. En 1982 ricevis honoran doktorecon de la Universitato Kolumbio.
Lia plej grava laboraĵo estas verkita en la jaroj 1926-35 Historio de la ĉina filozofio, duvoluma, tradukita en la anglan de Derek Bodde; ĝia mallongigo, Mallonga historio ... estis speciale prilaborita, ankaŭ kun la helpo de Bodde, por okcidentaj legantoj (fine de la vivo de Feng Youlan ĝi estis ĉinigita). Ambaŭ fariĝis plej uzataj lernolibroj pri la ĉina filozofio en la okcidenta civilizo atingante pozicion de klasikaĵoj.
Postmilite Feng Youlan laboris pri Nova eldono de historio pri la ĉina filozofio, reinterpretante siajn tezojn en la marksisma spirito. Komence li agnoskis aŭtoritaton de la Komunista Partio de Ĉinio kaj esperis, ke ĝi modernigos Ĉinion, kio estis revo de multaj ĉinaj intelektuloj. Bedaŭrinde li mem fariĝis celo de atakoj kaj devis plurfoje reredakti kaj kritiki siajn laboraĵojn. Du unuaj volumoj de la Nova eldono... aperis en la 60-aj jaroj. La tria volumo tiutempe ne aperis. Ĝi estis ankoraŭfoje verkita kaj eldoniĝis nur en la 80-aj jaroj.
Bibliografio
- Tomasz Skowroński: Od redakcji (De redakcio). en: Feng Youlan, Krótka historia filozofii chińskiej (Mallonga historio de la ĉina filozofio), PWN Warszawa 2001, p. XII-XVII. ISBN 83-01-13421-6
Eksteraj ligiloj
- Xiaofei Tu, "Fung Yu-lan, 1895-1990" Internet Encyclopedia of Philosophy