Ernst Albrecht
Persona informo
Ernst Albrecht
Naskiĝo	29-an de junio 1930 (1930-06-29) en Heidelberg
Morto	13-an de decembro 2014 (2014-12-13) (84-jaraĝa) en Burgdorf
Mortis per	Alzheimer-malsano vd
Religio	luteranismo vd
Lingvoj	germana vd
Ŝtataneco	Germanio vd
Alma mater	Universitato de Tubingeno • Bonna universitato • Universitato Cornell vd
Partio	Kristandemokrata Unio de Germanio vd
Familio
Patro	Carl Albrecht vd
Patrino	Adelheid Albrecht vd
Edz(in)o	Adele Albrecht vd
Infanoj	Ursula von der Leyen • Hans-Holger Albrecht vd
Profesio
Okupo	politikisto vd
Aktiva en	Hanovro vd
Postenoj Postenoj ministroprezidanto de Malsupra Saksio • parlamentano de la Parlamento de Malsupra Saksio • Prezidanto de Federacia Konsilio de Germanio vd
Honorigoj Honorigoj Lower Saxony honorary medal • Schlesierschild • Granda Meritkruco de la Federacia Respubliko Germanio • Grand Cross of the Order of Merit of Portugal vd
Ministroprezidanto de Malsupra Saksio
Dum	1976–1990
vd	Fonto: Vikidatumoj

Ernst Carl Julius ALBRECHT (naskiĝis la 29-an de junio 1930 en Hajdelbergo, mortis la 13-an de decembro 2014 en Burgdorf) estis germana politikisto. Li estis membro de la Kristandemokrata Unio de Germanio kaj iama altranga eŭropa ŝtatoficisto. Ernst Albrecht estis unu el la unuaj eŭropaj ŝtatoficistoj nomumitaj en 1954, havis gvidan pozicion ekde 1958 kaj estis ĉefministro de la federacia lando Malsupra Saksio de februaro 1976 ĝis junio 1990. La politikistino Ursula von der Leyen, ekde 2019 la prezidanto de la Eŭropa Komisiono, estas lia filino.

Vivo

Ernst Albrecht naskiĝis en Hajdelbergo, kiel filo de psikoterapiisto kaj interna medicinisto. Li devenis el malnova komerca familio el la hansa urbo Bremeno, kien la familio translokiĝis meze de la 1930-aj jaroj, kaj kie Ernst frekventis lernejon. En februaro 1948, 17-jara, li pasis la abituran ekzamenon. Sekve li studis filozofion kaj teologion en la universitato de Tubingeno, la universitato Cornell kaj universitato de Bazelo, kaj jam en 1953 finis sekvan studon de juro kaj ekonomiko en Tubingeno kaj la bonna universitato. Samjare li edziĝis. En 1959 li doktoriĝis, sed dumtempe jam eklaboris ekde 1954 en Luksemburgo kaj Strasburgo kiel ataŝeo de la ministra konsilio de la Eŭropa Komunumo pri Karbo kaj Ŝtalo nur fondita en 1952. En 1958 li moviĝis al Bruselo kie li komence funkciis kiel gvida oficisto al la Eŭropa Komisaro por Konkurenco Hans von der Groeben en la Eŭropa Komisiono gvidita de Walter Hallstein, kaj de 1967 ĝis 1970, ekde la aĝo de 37, li iĝis la Ĝenerala Direktoro por Konkurenco. Poste li retranslokiĝis al Germanio, kun intertempe sep infanoj, kaj la familio ekvivis en neurbeca domo de la komunumo Burgdorf apud Hanovro. Li ekengaĝiĝis en nacia politiko, kaj funkciis kiel ministroprezidanto (ĉefministro) de la federacia lando Malsupra Saksio de 1976 ĝis 1990.