| Erlinsbach | |
|---|---|
 Blazono de Erlinsbach | |
 Reformita preĝejo de Erlinsbach | |
| komunumo en Svislando | |
| Kantono | Argovio |
| Distrikto | Araŭo |
| Koordinatoj | 47° 4′ N 8° 1′ O / 47.067 °N, 8.017 °O (mapo)Koordinatoj: 47° 4′ N 8° 1′ O / 47.067 °N, 8.017 °O (mapo) |
| Areo | 9,86 km² |
| Alteco | 430 m super marnivelo |
| Poŝtkodo | 5018 |
| Komunumkodo | 4005 |
 Mapo de Erlinsbach | |
Pri la komunumo
Erlinsbach estas komunumo en la distrikto Araŭo de Kantono Argovio, Svislando. Ĝi havis 3481 loĝantojn je la 31-a de decembro 2008.
Geografio
La nordan limon de la komunumo formas kresto de la Faldoĵuraso. En nordoriento de la komunumo situas la montopinto Geissfluh, kiu kun alteco de 908 m s.m. estas la plej alta punkto de Kantono Argovio. La rivero Erzbach dividas la valon en soloturnon kaj argovian parton.
Najbaraj komunumoj
La komunumo Erlinsbach limas en nordo al Oberhof, en oriento al Küttigen, en sudoriento al Araŭo, en okcidento al Erlinsbach SO, kaj en nordokcidento al Kienberg.
Trafiko
Erlinsbach situas ĉe la suda alveturvojo al la montpasejo Salhöhe, kiu kondukas al Frick kaj Gelterkinden. La komunumo estas ligita per loka buslinio n-ro 2 kun Araŭo kaj per buslinio n-ro 571 kun Olten.
La plej proksima alveturejo al la svisa aŭtovojo A1 toviĝas 3 kilometrojn sude en Araŭo.
Historio
La unua dokumenta mencio de Erlinsbach datiĝas el la jaro 1173 kiel Arnlesbah.
En mezepoko la tuta valo troviĝis sub la regado de la Senjoroj de Kienberg, kiuj estis vasaloj de la Habsburgoj. En la jaro 1417, du jarojn post la konkero de la Argovio fare de la Svisa Ĵurkomunumo, la malalta jurisdikcio falis al la urbo Araŭo kaj en la jaro 1454 al la johanita komandejo Biberstein. En la jaro 1535 la urbo Berno devigis la johanitojn vendi siajn havaĵojn. Soloturno intertempe jam akiris la okcidentan valoflankon. Dum la orienta flanko estis reformigita fare de Berno, la okcidenta valflanko sub Soloturno restis katolika, kio cementis la dividon de la valo al katolika soloturna kaj reformita berna flanko. Post la Helveta Revolucio en la jaro 1798 la berna flanko de la valo estis atribuita kiel komunumo Erlinsbach al la nove fondita Kantono Argovio.
Vidu ankaŭ
- Aliaj lokoj kun la nomo Erlinsbach
Eksteraj ligiloj
Bildoj
Ponto trans Erzbach, limo inter argovia kaj soloturna Erlinsbach
Erlinsbach AG kaj SO
Restoracio Rebberg
Rigardo al argovia Erlinsbach
Ĉefstrato en argovia Erlinsbach
| ||||||
