| Endre Kubányi | |
|---|---|
| Persona informo | |
| Naskiĝo | 18-an de oktobro 1893 en Brebu |
| Morto | 29-an de aŭgusto 1983 (89-jaraĝa) en Budapeŝto |
| Tombo | Tombejo Farkasrét |
| Lingvoj | hungara |
| Ŝtataneco | Hungario |
| Alma mater | Universitato Eötvös Loránd |
| Okupo | |
| Okupo | kuracisto • kirurgo • akademiulo |
Endre Kubányi [kubAnji], laŭ hungarlingve kutima nomordo Kubányi Endre estis hungara kuracisto, profesoro, kirurgo.
Endre Kubányi naskiĝis la 18-an de oktobro 1893 en Hungara reĝlando en Perlő (nuntempa Brebu en Rumanio). Li mortis la 29-an de aŭgusto 1983 en Budapeŝto.
Biografio
Endre Kubányi frekventis gimnazion en Temeŝvaro, poste li akiris medicinan diplomon en Reĝa Universitato de Budapeŝto en 1918, sed dum la 1-a mondmilito li batalis. Post siaj studoj li laboris en kirurgia kliniko en Budapeŝto. En 1923 li studis la sangotransfuzon en Usono helpe de stipendio. Reveninta li aranĝis transfuzan stacion en Pécs, en 1935 ankaŭ en Budapeŝto. En 1928 li estis nomumita privata profesoro. Inter 1933 kaj 1938 li estis ĉefkuracisto en hospitalo pri infanoj, poste ĝis 1970 en Malsanulejo Rókus. En 1959 li doktoriĝis antaŭ Hungara Scienca Akademio. Li ricevis premiojn en 1929 kaj 1969.