Emile Michelis di RIENZI estis franca esperantisto kaj poŝta inspektoro. Li naskiĝis la 23-an de oktobro 1861 en Marseille. Sinjoro di Rienzi verkis multajn francajn librojn kaj laŭ informo de la Enciklopedio de Esperanto el 1934 ŝatis precipe la epizodan historion. Li propagandis Esperanton per paroladoj, en 1911 estis la unua prezidanto de nacia asocio de poŝtistoj, telegrafistoj kaj telefonistoj en Francio kaj Kolonioj, landa asocio de la samjare fondita internacia asocio ILEPTO, kaj inter la jaroj 1921 kaj 1923 redaktis la franclingvan bultenon „France Postale Espérantiste“.