Streller ludis gravan rolon en la esplorado kaj katalogigo de Rennsteig de Sallmannshausen; surfote videblas ŝtono kun la S-marko

Elisabeth STRELLER (naskiĝinta en la 17-a de oktobro 1879 en Reichenbach ĉe Behringen, mortinta en la 14-a de januaro 1939 en Eisenach) estis germana padomigristino kaj regionhistoriistino.

Vivo

Streller ne povis trejniĝi por iu profesio, sed tamen laboris en Hildburghausen, poste en Eisenach. Post la pentekosta migradego trans Rennsteig ŝi aliĝis al Rennsteigklubo 1896 kaj iĝis baldaŭ unu el la plej aktivaj membroj.

Ŝi estis migristino kaj esploristino paralele, nelacigebla. Preskaŭ tri jardekojn ŝi modeldone laboris por la klubo kaj la priesploroj de Renn-padoj en Germanlingvio.

Ŝi i.a. kunlaboris en la eldonado de la gvidlibroj 1+2, en la nomdonado de Rennsteig de Sallmannshausen (poste ankaŭ en ties flegado) kaj gravis en la unuaj migradoj sur la padoj Thüringen-Rhein-Höhenweg kaj Germanischer Rennweg. Ŝi ankaŭ kunfondis la skisekcion ene de la klubo.

Oni alijuĝis al ŝi la oran ski-honorŝildeton i.a. Same kiel Luise Gerbing ŝi tute identiĝis al la laboro por Rennsteig. Ŝia plej ampleksa laboro estis la granda limŝtona kontrolo el la 1934-a jaro, kiun ŝi faris kun ĉiuj necesaj detaloj. La antaŭmigrado sur Germanischer Rennweg en aŭgusto 1938 estis ŝia lasta granda migrado.

En la numero 2/1939 de la kluba organo Die Mareile jen teksto de Jacob Grimm adaptita al ŝia vivo: "Wer seine Heimat lieb hat, der muß sie auch verstehen wollen; wer sie verstehen will, muß überall in ihre Geschichte zu dringen suchen."[1]

Honoroj

Por ŝi faritis enskribaĵo ĉe Glöckner-monto apud Ruhla.

Piednotoj

  1. ↑ Traduko: Kiu amas la patrujon devas esti preta al ties kompreno. Kiu volas kompreni ĝin devas ĉie strebi esplori ties historion.

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.