El proceso de Burgos (La proceso de Burgoso) estas hispana dokumenta filmo reĝisorita de Imanol Uribe, kiu premieris en 1979, kaj estis bazita sur reala okzintaĵo nome la militproceso fare de la frankisma diktaturo sekve de la murdatenco de la policestro Melitón Manzanas en la unua atenco de ETA la 2an de aŭgusto 1968.

Intrigo

La filmo estas kompilaĵo de intervjuoj kaj atestoj de malliberigitoj kaj procesitoj en la militproceso de Burgoso, kiu okazis post la deklaro de esceptostato en Gipuzko kaj la arestado de centoj da personoj post la menciita atenco. La proceso stariĝis kontraŭ dek ses membroj de ETA akuzitaj je murdo de tri personoj. Popolaj protestoj kaj internacia premo sukcesis eviti la plenumadon de ses mortokondamnoj, kiuj estis ŝanĝitaj al malliberigoj.

Geaktoraro kaj roluloj

• Unai Dorronsoro
• Francisco Letamendia
• Josu Abrisketa
• Itziar Aizpurua

• En tiu ĉi artikolo estas uzita traduko de teksto el la artikolo El proceso de Burgos en la hispana Vikipedio.