La unua numero de Eksciu, ke...

Eksciu, ke... estis E-informilo eldonita en Sovetunio kaj Rusio. La informilo estis lanĉita de Andrej Ananjin en 1986 jaro. Ekde komenco la informilo estis anoncita jene:

Citaĵo
„ ... la informileto, lanĉata de Volgograda Esperanto-klubo "Rado":
  • a) aperos unufoje dum du monatoj;
  • b) enhavos informojn pri okazintaj kaj okazontaj Esperanto-aranĝoj;
  • c) servos kiel la tribuno por opinioj, proponoj, kaj ideoj;
  • d) skizos la evoluon de E-movado lande kaj mondskale[1] ”

La unua numero estis fintajpita 2.12.1986[1].

Tamen ĝi estis firme ligita kun Andrej Ananjin kaj kiam li ekloĝis en Kemerova provinco oni ne plu eldonis la informilon en Volgogrado, sed daŭrigis eldonadon en Taŝtagol. Jen kiel estis anoncite en Eksciu, ke...:

Citaĵo
„ Pro forveturo de "Ek"-redaktoro al Siberio, kie li kaj kelkaj aliaj e-istoj provos administri turisman bazejon, la nuna adreso de "Ek" ne plu estas valida. La nova estos anoncita en sekva numero.[2][3] ”

Kvanto de abonantoj de la informilo variis de jaro al jaro. En adresaro de Adresaro de Eksciu, ke... '90 jam estis menciitaj 274 personoj kaj 25 E-kluboj[4]. Tamen la adresaro mem havis eldonkvanton 400 ekzempleroj.

Referencoj

  1. 1 2 Ek №1 novembro-decembro 1986
  2. ↑ Ek №3 (9) 1988 somero
  3. ↑ interese, ke la numero havis eraran noton: "fintajpita 2.10.88
  4. ↑ Adresaro de Eksciu, ke... '90

Vidu ankaŭ

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.