Elektronika Bibliografio de Esperantaj Artikoloj (EBEA) estais elektronika bibliografio kiu registris proksimume 8000 gazetajn artikolojn. Pliaj 7000 estas prilaborataj kaj sekvos iom post iom; la artikoloj publikiĝis en diversaj gazetoj, en Esperanto aŭ naciaj lingvoj, ekde la jaro 1890 ĝis hodiaŭ. Temoj estas diversaj aspektoj de Esperanto, ĝiaj historio, movado kaj komunumo, specife interalie:
- terminologio
- etimologio
- frazeologio
- gramatiko
- instruado kaj pedagogiko
- denaskismo
- biografioj de konataj Esperanto-parolantoj
- historio de Esperanto-organizoj
- kongresoj
Apenaŭ aperas literaturo kaj poezio, malmultas ĝenerale scienca literaturo en Esperanto, escepte pri interlingvistiko (GIL).
Ne enestas libroj (monografioj). Tiuj estas troveblaj ekz. en la datumaro de la Aŭstria Nacia Biblioteko en Vieno.
Ekde proksimume 2022 la publika interreta serĉilo pri la bibliografio bedaŭrinde ne plu funkcias, do la datumaro, kiu sendube ankoraŭ ekzistas en iuj komputiloj kaj serviloj, ne plu estas publike alirebla (tial la precipa ekstera ligilo sube nur montras la serĉilon, sed per ĝi ne eblas serĉi ion).
Detalan priskribon (en la germana lingvo!) de la Elektronika Bibliografio de Esperantaj Artikoloj (EBEA) oni trovas ĉe la germana Societo pri Interlingvistiko (GIL).