 Kiel legi la taksonomion | ||||||||||||
|---|---|---|---|---|---|---|---|---|---|---|---|---|
 | ||||||||||||
| Biologia klasado | ||||||||||||
| ||||||||||||
| Dryococelus australis Montrouzier, 1885 | ||||||||||||
| Konserva statuso | ||||||||||||
|
CR | ||||||||||||
Aliaj Vikimediaj projektoj | ||||||||||||
Dryococelus australis aŭ esperante Fasmo de la insulo Lord Howe estas insekto, kiun oni opiniis formortinta ekde 1920 pro enportitaj ratoj, tamen oni retrovis ĝin en 2001 (du inojn kaj unu inan nimfon).
Dryococelus australis formortis el sia plej granda vivloko, la insulo Lord Howe, 580 km oriente de Aŭstralio. En 2002 vivis 24 specimenoj (nur 2 viroj el ili) sur la insuleto Piramido de Ball, 23 km sudoriente de la insulo Lord Howe, sur areo de 6 m oble 30 m, sur sola malgranda tearbo (Melaleuca howeana). Oni forprenis du parojn en 2003 por bredi ilin. En 2012 jam estis 9000 ekzempleroj en zooĝardeno de Aŭstralio.
Ĝi estis iufoje konata kiel la plej malofta insekto en la mondo.
Aspekto
Dryococelus australis mezuras ĝis 100 aŭ 120 milimetroj kaj plenkreskuloj estas malhele ruĝbrunaj ĝis nigraj. Junaj bestoj estas, verŝajne kamuflocele verdaj. Inaj insektoj iĝas iom pli grandaj ol viraj.
Dryococelus australis estas la plej granda senflugila bastoninsekto.
Historio
Poste ĉirkaŭ 1920 oni opiniis Dryococelus australis formortinta, ĝis la malkovro de kelkaj specimenoj fare de aŭstralia esplorteamo en 2001 sur Piramido de Ball.