Doktoro Rosales
Doktoro Rosales
Doktoro Rosales
AŭtoroGiorgio Silfer
Eldonjaro1973
UrboMilano
EldonintoLa Patrolo
Paĝoj24

Doktoro Rosales [1] estas originale esperantlingve verkita dramo de Giorgio Silfer. La teatraĵo estas eldonita fare de La Patrolo en Milano en la jaro 1973.

Recenzoj

Citaĵo
„ Relative maloftaj estas originalaj dramoj en Esperanto. Tiu ĉi nova teatraĵo, kies premiero okazis an la kadro de la 29a IJK en Sarajevo, estas sufiĉe fortefika kaj prezentinda. Temas pri juĝproceso kontraŭ ginekologo akuzita pro eksperimentoj je artefarita fekundigo; kvankam li pretendas sciencan objektivecon, li tamen havis psiĥajn problemojn, kiuj instigis lin al lia agado. Malgraŭ violenta interveno de ŝokita publiko, la juĝado okazas tute laŭleĝe - sed tiu sama leĝaro celas fine detrui lin per truko. Interesa apartaĵo estas, ke la doktoro (kiel fremdlandano) rajtas uzi per samtempa tradukado uzigi Esperanton kiel la lingvon de la proceso. Nepre havinda verko. ”
— decembro 1973, William Auld, Esperanto, 816 (12), p. 208

Referencoj

  1. ↑ Sutton, Geoffrey 2008 : Original Literature of Esperanto, Mondial, New York, paĝoj 390-391, ISBN 978 1 59569 090 6

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.