Diabeto tipo 2 estas metabola malsano karakterizita per hiperglukozemio en la kunteksto de insulina rezisto kaj relativa manko de insulino; 2 kontraste al diabeto tipo 1, en kiu ekzistas absoluta manko de insulino pro la detruo de la pankreataj insuletoj. La klasikaj simptomoj estas troa soifo, ofta urinado kaj konstanta malsato. Diabeto tipo 2 reprezentas ĉirkaŭ 90% de kazoj de diabeto, kun la alia 10% ĉefe pro diabeto tipo 1 kaj graveda diabeto. Oni supozas, ke trodikiĝo estas la ĉefa kaŭzo de diabeto tipo 2 inter homoj kun genetika tendenco al la malsano (kvankam ĉi tio ne estas la kazo por homoj el orient-azia origino).

Diabeto tipo 2 estas komence kontrolita per pliigita ekzercado kaj ŝanĝoj en dieto. Se sangoglukozo ne malaltiĝas post ĉi vivŝanĝiĝoj, kuraciloj kiel metformino aŭ insulino eble estas necesaj. En pacientoj traktitaj per insulino, estas tipa postulo kontroli kutime sangan glukozon.

Literaturo

• Monika Grüsser, Viktor Jörgens, Michael Berger, Vor dem Essen Insulin, Deutscher Ärzte-Verlag Köln