La francaj deputitaj distriktoj estas teritoriaj subdividoj en kiuj estas elektitaj la deputitoj de la nacia Asembleo. Ili ĝenerale estas subdividoj de departemento aŭ de transmaraj kolektivumo.
Historio de la deputitaj balotaj distriktoj
De 1789 ĝis 1870
La unuaj balotaj distriktoj, kiuj ebligis la elekton de la reprezentantoj al la ĝeneralaj Ŝtatoj en 1789 estis la prefektolandoj kaj seneskallandoj. Reĝa edikto de la 24-a de januaro 1789 dividis Francion en pli ol 400 balotajn prefektolandojn[1].
Tria Respubliko
La tria Respubliko (1871-1940) utiligis precipe voĉdonadon de arondismento, kaj en iuj periodoj departementan perlistan voĉdonadon kun du vicoj kaj je relativa plimulto (1871, 1885, 1919, 1924).
La nombro de la deputitoj estis inter 612 kaj 618.
Kvara Respubliko
En la kvara Respubliko (1946-1958), la arondismenta baloto estis forigita, anstataŭita per proporcia perlista baloto laŭ departemento.
Kvina Respubliko
De 1958 kaj la komenciĝo de la kvina Respubliko, la teritorio de la Franca Respubliko estis dividita por la deputitaj balotoj en distriktojn (france "circonscription"), ĉiu distrikto elektas deputiton per plejmulta voĉdonado je du vicoj por 5 jaroj. Tiuj distriktoj devas obei kiel eblas la kantonajn limojn kaj, devige, la departementajn limojn.
La nombro de la deputitaj distriktoj por la metropola Francio[2] estis fiksita je 465 en 1958[3]. Ĝi estis plialtigita al 470 en 1966[4] per la leĝo n° 64-707 de la 10-a de julio 1964 pri reorganizado de la pariza regiono, poste al 473 sekve de la kreo de tri seĝoj en departemento Rhône en 1972[5] kaj fine al 474 en 1975, per kreo de aldona distrikto en Korsiko[6].
Komence de 1986, la nombro de distriktoj (kaj do de deputitoj) estis 491, tio estis 474 por la metrtropola Francio kaj 17 por la transmara Francio.
La nunaj distriktoj
En 1986, la registaro de Jacques Chirac restarigis la antaŭan balotmanieron, sed konservis la plialtigitan nombron de deputitoj. Li do resubdividis la landon por balotado. De 1986, por la deputitaj balotoj, la metropola teritorio, la departementoj kaj la francaj transmaraj teritorioj ests dividitaj en 577 distriktoj. Pro la malnoveco de tiu subdivido, bazita sur la popolnombrado de 1982, la konstitucia konsilio postulis novan subdividon, kiun ĝis en 2009 rifuzis ĉiuj sinsekvaj registaroj.
Resubdivido en 2012
La edikto n° 2009-935 estas ratifita, post du irreiroj, de la parlemento (asembleo kaj senato) la 21-an de januaro 2010[7]. Validigita de la konstitucia konsilio la 18-an de februaro kaj promulgita la 23-an[8], ĝi do fariĝis aplikita okaze de la deputitaj balotoj de 2012[9].
Statistikoj
Antaŭ la subdivido farita en 2010, la metropolaj distriktoj enhavis inter 35 794 loĝantojn por la 2-a distrikto de Lozère kaj 213 421 loĝantojn por la 6-a distrikto de Var. De la resubdivido, ili enhavas inter 62 082 por la 2-a distrikto de Hautes-Alpes kaj 146 866 loĝantojn por la 6-a distrikto de Seine-Maritime.
Notoj kaj referencoj
- ↑ Reglamento farita de la reĝo por la plenumo de la venigaj leteroj de la 21-a januaro 1789
- ↑ En transmara Francio, la nombro de la deputitaj distriktoj malkreskis de 90 distriktoj en 1958, pro la kolonioj, al 17 ekde 1962, stabila nombro ĝis en 1986.
- ↑ edikto n° 58-945 de la 13-a de oktobro 1958. Alirita 21-a de aŭgusto 2010.
- ↑ Organiza leĝo n° 66-501 de la 12-a de julio 1966. Alirita 21-a de aŭgusto 2010.
- ↑ Leĝo n° 72-522 de la 29-a de junio 1972. Alirita 21-a de aŭgusto 2010.
- ↑ Leĝo n° 75-357 de la 15-a de majo 1975. Alirita 21-a de aŭgusto 2010.
- ↑ Leĝprojekto ratifanta la edikton n° 2009-935 de la 29-a de julio 2009 pri disdono de la seĝoj kaj limoj de distriktoj por la lekto de deputitoj (TTT-ejo de la senato).
- ↑ Leĝo n° 2010-165 de la 23-a de februaro 2010 ratifanta la edikton n° 2009-935 de la 29-a de julio 2009.
- ↑ « La konstitucia konsilio validigas la subdividon de la deputitaj distriktoj », sciigo de AFP, la 18-an de februaro 2010.
Vidu ankaŭ
Vidu ankaŭ
Eksteraj ligioloj
- france Kiu estas mia deputito ? (sur la TTT-ejo de la nacia Asembleo)
- france Koni sian distrikton (sur la TTT-ejo de la nacia Asembleo)
- france Parlamento : elekto de la deputitoj (disdono de la seĝoj kaj limoj de distriktoj), 2009-2010 (sur la TTT-ejo de la nacia Asembleo)
- france Maparo de la francaj landodividoj ekde 1831, de Frédéric Salmon
| ||||