Denise Richards
Persona informo
Denise Richards
Naskonomo	Denise Lee Richards
Naskiĝo	17-an de februaro 1971 (1971-02-17) (53-jaraĝa) en Downers Grove
Lingvoj	angla vd
Ŝtataneco	Usono vd
Alma mater	Downers Grove North High School • El Camino High School vd
Familio
Edz(in)o	Charlie Sheen vd
Amkunulo	Richie Sambora vd
Infanoj	Lola Rose Sheen • Sami Sheen vd
Profesio
Okupo	televida aktoro • filmaktoro • modelo • televida personaĵo vd
Aktiva dum	1989– vd
En TTT	Oficiala retejo vd
vd	Fonto: Vikidatumoj

Denise Richards ĉe evento „Susan G. Komen's 8th Annual Fashion For The Cure“, 2009

Denise Lee Richards (n. 17-an de februaro 1971 en Downers Grove, Ilinojso) estas usona aktorino.

Biografio

Denise Richards naskiĝis en Downers Grove, Ilinojso, kiel filino de Joni, kafejo-posedantino kaj Irv Richards, mesaĝ-teknikulo. Ŝia patro estas kimra, ŝia patrino kroata. Ŝi kreskis kune kun siaj gepatroj kaj fratino Michelle unue en Downers Grove kaj poste en Kalifornio. En 1989 ŝi finlernis ĉe El Camino High School en Oceanside, Kalifornio.

Richards komencis karieron kiel modelo ĉe la „Judith Fontaine Modeling & Talent Agency”. Krom ŝia modela kariero, ŝi ankaŭ komencis labori kiel aktorino. Ŝi akiris sian unuan sperton per gast-aperoj en televidserioj. En 1993 ŝi ludis en la sitkomo Seinfeld en la epizodo "La belaj ŝuoj" kiel Molly Dalrymple. En 1994 ŝi havis rolon en la serio Superman - La aventuroj de Lois & Clark. Ŝia unua filma apero komenciĝis kun malgranda rolo en la komedio Loaded Weapon 1 (1993).

Ŝia unua ĉefrolo en filmo estis en 1997 kiel Carmen Ibanez en la agfilmo Starship Troopers kune kun Casper Van Dien. En 1998, ŝi rolludis kun Matt Dillon, Neve Campbell kaj Kevin Bacon en la trilero Wild Things. Ŝi ankaŭ aperis en muzika filmeto de la kanto Canadian Rose de Blues Traveler.

Richards ludis kiel Bond-knabino Dr. Christmas Jones en la filmo aperinta en 1999 La mondo ne sufiĉas kune kun Pierce Brosnan kaj Sophie Marceau. La filmo estis internacia kineja sukceso, sed Richards ricevis pro sia rolo ĝenerale negativajn filmkritikojn. Ŝi ricevis du nomumojn por Ora frambo, el kiu ŝi gajnis unu, kaj en 2008 ŝi estis voĉdonita por la "Plej malbona Bond-knabino de ĉiu tempo" de la revuo Entertainment Weekly. Krom ŝia kineja kariero, ŝi ludis rolojn en televidaj serioj daŭre, ŝi estis videbla inter aliaj en 2001 en Friends kaj Chaos City en du epizodoj de Two and a Half Men (2003-2004).

Komence de la nova jarmilo, Richards ofte ludis rolojn, kiuj parodiis ŝian famon kiel seksa simbolo. En 2001 ŝi ludis Paige en la horora filmo Valentine. Ŝi ludis en tiu inter aliaj, kun David Boreanaz, Katherine Heigl kaj Marley Shelton. En 2003 ŝi havis kameon en Scary Movie 3 kaj ludis malgrandan rolon en Love Actually kun Hugh Grant.

En decembro de 2004, kvin monatojn post naskiĝo de sia filino, ŝi akceptis fotadon por la usona Playboy. En 2001, ŝi estis voĉdonita je dua loko en la listo 100 Plej Seksa Virino fare de por-vira revuo FHM kaj nomata "Plej Seksa Panjo de 2005 de la revuo In Touch.

En 2008, ŝia propra realeca televidserio Denise Richards – It's Complicated ekis en E! Entertainment Television, per kiu ŝi volis forigi negativajn famojn pri si mem el la mondo. Do, vere estis pozitivaj reagoj, sed Charlie Sheen - patro de ŝiaj infanoj - kritikis la spektaklon per la akuzo, ke Richards misuzas la komunajn infanojn por aperi simpatia. La serio daŭris unu jaron.

En 2009, Richards estis partopreninto de la oka sezono de Dancing with the Stars. Ŝia danc-partnero estis Maksim Chmerkovskiy. Tamen la paro jam estis for-elektita de la spektantoj en la dua raŭndo.

De 2013 ĝis 2014 ŝi ĉefrolis en la mallongdaŭra televida serio Twisted la rolon de Karen Desai. En 2019 ŝi prenis la rolon de Shauna Fulton en la televida serio Riĉa kaj bela kaj fariĝis unu el la ĉefrolulinoj ene de la realeca televidserio The Real Housewives of Beverly Hills.

Privata vivo

Ŝi geedziĝis en 2002 kun aktoro Charlie Sheen, kun kiu ŝi ludis jam en la komedio Good Advice (2001). Ŝi naskis en 2004 kaj 2005 iliajn komunajn filinojn. Ili vivis aparte de 2004, oficiale divorcis en decembro de 2006. Ŝi adoptis en 2011 inan bebon. Ekde 2018 ŝi duafoje geedziĝis, kun Aaron Phypers.

Laŭ la stato de 2023 ŝi vivas en la protektita urbeto Hidden Hills, iom pli ol 40 kilometrojn nordokcidente de la urbocentro de Los-Anĝeleso kaj de Holivudo, kun multaj same socie konataj najbaroj.

Richards en 1999 ĉe premiero James Bond 007 - The World Is Not Enough

Filmoj

Eksteraj ligiloj

• Oficiala retejo (angle)
• Denise Richards ĉe Facebook
• DENISE_RICHARDS Denise Richards ĉe Twitter
• Denise Richards ĉe Instagram
• Denise Richards ĉe Interreta filma datumbazo (angle)
• Denise Richards ĉe AllMovie (angle)
• Denise Richards ĉe Box Office Mojo
• Denise Richards ĉe Rotten Tomatoes