En multaj programlingvoj, deklaro estas frazo informanta tradukilon pri ekzisto kaj ecoj de programa objekto (variablo, proceduro ktp), indikante:
- ĝian nomon;
- ĝian datumtipon;
- la formalajn parametrojn (en deklaro de proceduro ktp).
Multaj programlingvoj (interalie C) postuals, ke la nomoj estu deklaritaj antaŭ ilia uzo (laŭ la teksta ordo de la programo).
Deklaro kaj difino
En kelkaj lingvoj oni distingas inter deklaro (kiu avertas pri la ecoj de objekto) kaj difino (kies prilaboro fakte kreas la objekton). Tre ofte tamen la deklaro implicas la kreon de la objekto; kaj por neprigi la sencon de nekrea deklaro oni uzas la terminon antaŭdeklaro.
| (Antaŭ)deklaro | Difino | |
|---|---|---|
| Variablo | extern int Var;
|
int Var;
|
| Funkcio | int Sumo ( int Var1, int Var2 );
|
int Sumo ( int Var1, int Var2 )
{
return Var1 + Var2;
}
|
Listo de deklaroj
En multaj lingvoj eblas deklari plurajn variablojn per unu deklaro, ekz-e en C :
int i, j;
En tia deklaro ĉiuj deklarataj variabloj ricevas unu saman tipon (ĉi-okaze la entjeran).
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.