Mensa stato en rilato inter la niveloj de defio kaj kapablo^[1]. Klikebla grafikaĵo.

Defio (angle challenge, france défi, germane Herausforderung) estas

1. nesuperebla aŭ nur tre malfacile superebla obstaklo, kaj
2. la aserto al iu, ke li ne kapablas superi la asertanton en konkurso.

Laŭ la teorio de la hungardevena psikologo Mihály Csíkszentmihályi pri fluo en psikologia senco, por la motivigita kaj koncentrita plenumo de tasko necesas ke tiu tasko prezentas pli-ol-averaĝan personan defion kaj bezonas pli-ol-averaĝan kapablon. En 1997, la sciencisto publikigis la grafikaĵon bildigitan dekstre: La diagramo bildigas la rilaton inter la de la individuo perceptata defio de tasko kaj la perceptata propraj kapablo. La centro de la grafikaĵo, kie la sektoroj renkontiĝas, reprezentas la individue averaĝajn nivelojn de defio kaj kapablo. Ju pli for de tiu centro troviĝas individua sperto, des pli intensa estas la percepto de la mensa stato reprezentata fare de la diverskoloraj sektoroj.

Notoj