Jen listo de okazaĵoj en decembro 2016:

2-a de decembro

• En Gambio Adama Barrow, kandidato de la opozicio venkas en prezidenta baloto al la ĝisnuna prezidento Yahya Jammeh, kiu dum 22 jaroj regis reĝimon diktatorecan.

3-a de decembro

• Almenaŭ 36 mortoj pro incendio en koncerto de elektronika muziko en maltaŭga lokalo de Oakland, Usono.

4-a de decembro

• La ĉefministro de Italio nome Matteo Renzi demisiis post malvenko en referendumo pri reformo de konstitucio.
• La progresisma Van der Bellen venkas en prezidenta baloto en Aŭstrio kontraŭ la kandidato de ultradekstro.

6-a de decembro

• En Francio, Bernard Cazeneuve estas nomita Unua ministro fare de François Hollande post la demisio de Manuel Valls.
• La fortoj de la unueca registaro de Libio reprenas la urbon Sirto el la milicoj de la islama ŝtato.

7-a de decembro

• Falo de aviadilo, kiam ĝi flugis el Ĉiltral al Islamabad, Pakistano, okazigis 47 mortojn.
• Tertremo en Indonezio kun forteco de 6,5 gradoj laŭ la skalo de Richter mortigis pli ol 100 homojn kaj vundis ĉirkaŭ 300 aliajn.

8-a de decembro

• La parlamento aprobas la elpostenigon de la prezidentino Park Geun-hye.

9-a de decembro

• La trupoj de la registaro de Sirio reprenas la urbon Halepo, plej gravan en la teritorio de ribeluloj.
• En Ankaro, Turkio, estas mortigita rusia ambasadestro Andrej Karlov.

10-a de decembro

• Atenco kontraŭ policanoj kaŭzis 38 mortintojn kaj ĉirkaŭ 166 vunditojn post futbalmatĉo en Istanbulo, Turkio.
• Trajnakcidento kaj sekva gas-eksplodo okazigis 5 mortojn kaj dekojn da vunditoj en Hitrino, nordorienta Bulgario.
• La prezidento de Kolombio nome Juan Manuel Santos ricevas en Oslo la Nobel-premion pri paco.

11-a de decembro

• En suda Niĝerio falis tegmento de ne finkonstruata kirko. Pli ol 100 homoj mortis.
• Eksplodo en kopta kirko en Kairo mortigis almenaŭ 25 homojn kaj vundis ĉirkaŭ 35 pliajn.
• Almenaŭ 29 homoj mortis dum memmortiga atenco en Somalio.

17-a de decembro

• Atenco kontraŭ soldatoj kaŭzis 13 mortintojn proksime de universitato en Kayseri, Turkio.
• En la aĝo de 96 jaroj mortis Henry Heimlich, inventinto de Hajmliĥ-manovro.

18-a de decembro

• Akcidento en minejo de Fizi, Suda Kivuo, Demokratia Respubliko Kongo, okazigis almenaŭ 20 mortojn.
• Atenco kontraŭ soldatoj kaŭzis 49 mortintojn en Adeno, Jemeno.

19-a de decembro

• En Berlino, Germanio, kamiono verŝajne stirata de Anis Amri veturdetruis surstratan antaŭkristnaskan merkaton proksime de la urbocentra Imperiestro-Vilhelmo-Memor-Preĝejo, okazigante almenaŭ 12 mortojn kaj 48 vunditojn.

20-a de decembro

• En Tultepec, Meksiko, eksplodo de piroteknika materialo okazigis almenaŭ 31 mortojn kaj multajn vunditojn.

23-a de decembro

• MOS informis, ke nova eksperimenta vakcino kontraŭ ebolo rezultis pozitive. Testoj estas faritaj en Gvineo, Afriko.

25-a de decembro

• Mortis George Michael, fama kantisto kaj muzikisto de pop-muziko.
• Aviadilo Tu-154 de la rusa Ministerio pri Defendo kraŝis post elteriĝo el Flughaveno de Soĉi. Mortis 92 veturintoj, inter ili ĥoristoj de Aleksandrovanoj.

27-a de decembro

• En Siberio almenaŭ 77 personoj mortis pro drinkado de kemia alkoholaĵo.

30-a de decembro

• Batalpaŭzo en Sirio inter ribeluloj kaj la reĝimo de Baŝar al-Asad.

31-a de decembro

• Duobla atenco en Bagdado, Irako, okazigis almenaŭ 25 mortojn.