La skulptaĵo kun la titolo Rich Summers.

David Roland SMITH (naskiĝinta en la 9-a de marto 1906 en Dekaturo (Ilinojo), mortinta en la 24-a de majo 1965 en aŭtomobila akcidento proksime de Albany (Nov-Jorkio)) estis usona skulptisto. Per liaj abstraktaj faritajoj el metalo li ege influis la evoluon de skuptoarto en la 20-a jc.

Vivo artista

Laborante en fabriko pri metalvaroj li ekkonis la praktikajn fundamentojn de sia posta profesio. Sub la influo de Pablo Picasso kaj Julio González li faris en la 1933-a la unuajn skulptaĵojn el metalo, i.a. maŝinpartojn de agrikulturaj iloj. En 1940 faritis lia socikritika reliefskulptaĵo Medals for Dishonor.

Dum la Dua mondmilito li deĵoris en lokomotivfabriko. Pluraj el la skeletformaj kaj senkarnaj artaĵoj el la 1940-aj jaroj (ekz.: Royal Bird de 1948) kritikas homajn malvirtojn kiel fortigemon kaj avarecon. Post 1950 la verkaro iĝis pli abstrakta. Kiel ekzemplo menciatas Star Cage (1950), malgrasa aĵo el ŝtalbastonetoj kaj kurbigitaj metalpartoj. La pli malfruaj verkoj (ekz. Tank Totem, Sentinel aŭ la el ŝtaplitaj metalblokoj farita Cubi-serio) estas kaj masivaj kaj simplaj.

Literaturo

• Julia M. Busch: A Decade of Sculpture: the New Media in the 1960s. The Art Alliance Press, Philadelphia, London 1974, ISBN 0-87982-007-1
• Marika Herskovic: American Abstract Expressionism of the 1950s An Illustrated Survey. New York School Press, 2003, ISBN 0-9677994-1-4
• Marika Herskovic: New York School Abstract Expressionists Artists Choice by Artists. New York School Press, 2000, ISBN 0-9677994-0-6

Eksteraj ligiloj

• Informoj pri David Smith en katalogo de la Germana Nacia Biblioteko (germane)
• Pri Smith en la kasela Documenta-arkivo.
• Biografio kaj verkaro. Arkivigite je 2011-10-11 per la retarkivo Wayback Machine
• David Smith 2009 en la Lehmbruck-Muzeo
• David Smith en la Guggenheim-Muzeo, Novjorko.