- Ĉi tie estas islanda nomo. Plejmulto de islandanoj ne havas familiajn nomojn. La lasta nomo de ĉi tiu persono estas patronomo. Mencii lin oni povas sub lia persona nomo Davíð.
| Davíð Stefánsson | ||
|---|---|---|
 | ||
| Persona informo | ||
| Naskiĝo | 21-an de januaro 1895 en Eyjafjörður | |
| Morto | 1-an de marto 1964 (69-jaraĝa) en Morduvellir | |
| Lingvoj | islanda vd | |
| Ŝtataneco | Islando vd | |
| Profesio | ||
| Okupo | poeto • verkisto vd | |
| vd | Fonto: Vikidatumoj | |
Davíð Stefánsson (1895-1964) estis poeto, romanisto kaj dramisto. Lia unua poemlibro, Svartar fjaðrir - Nigraj plumoj (1919) vekis multan atenton pro junece senbrida esprimado de sentoj kaj enkondukis novan tonon en la islandan poezion. Entute aperis de Davíð dek poemlibroj. Lia poezia stilo estas ĝenerale tradicia, tamen pli simpla, pli libera. Li estis populara poeto, kiu esprimis la sentajn sintenojn de generacio kiu klopodis liberiĝi el malnovaj penskatenoj. Davíð verkis ankaŭ kvar dramojn, el kiuj unu jam fariĝis klasikaĵo, La ora pordego, bazita sur popola ,legendo. Unu romanon, Sólon Islandus, li verkis pri islanda vaganta artisto de la 19-a jarcento.
Davíð estis lernanto ĉe la Rejkjavika Gimnazio.
En Esperanto aperis
Iris mi sola (Gekk ég aleinn), poemo, en La Tradukisto, 11-a numero, en traduko de Gísli Halldórsson.
La elfroko (Hamraborgin), poemo en La Tradukisto, 51-a numero, en traduko de Baldur Ragnarsson.