| Corippo | |
|---|---|
 Blazono de Corippo | |
| Blazono de Corippo | |
 Corippo | |
| Kantono | Tiĉino |
| Distrikto | Locarno |
| Komunumaro | Verzasca |
| Koordinatoj | 46° 14′ 10″ N 8° 50′ 20″ O / 46.23611 °N, 8.83889 °O (mapo)Koordinatoj: 46° 14′ 10″ N 8° 50′ 20″ O / 46.23611 °N, 8.83889 °O (mapo) |
| Nombro de loĝantoj | 12 |
| Areo | 7,73 km² |
| Alteco | 563 m super marnivelo |
| Poŝtkodo | 6631 |
| Komunumkodo | 5102 |
 Mapo de Corippo | |
| Mapo de Corippo | |
Corippo estas komunumo de la Komunumaro Verzasca kaj la Distrikto Locarno en Kantono Tiĉino, Svislando. Ĝi havis 12 loĝantojn je la 31-a de decembro 2011, kaj per tio laŭ loĝantaro estas la plej malgranda politika komunumo de Svislando.
Geografio
Corippo situas en la Valo Verzasca ĉe la okcidenta bordo de la Lago de Vogorno kaj konsistas el la du setlejoj Corippo kaj Ponte di Corippo.[1]
La teritorio de la komunumo etendiĝas sur areo de 7,73 km², de kiuj 64,6% estas kovritaj de arbaro, 3,2% servas por agrikulturo kaj 0,3% por setlado. [2]
Najbaraj komunumoj
La komunumo Corippo limas en nordo al Lavertezzo, en oriento al Vogorno, en sudo al Mergoscia, kaj en okcidento al Avegno-Gordevio
Trafiko
Corippo situas komplete flanke de la publikaj trafikvojoj. La komunumo atingeblas nur pere de tre mallarĝa vojeto, kiu deflankiĝas de la valvojo tra la Valo Verzasca. Pere de la bus linio de Sonogno al Locarno la komunumo estas konektita al la publika transportreto.
Historio
La unua dokumenta mencio de Corippo datiĝas el la jaro 1224 kiel Culipo. Origine Corippo estis flaga frakcio de la komunumo Vogorno, de kiu ĝi sendependiĝis en la jaro 1822. Ĝian sendependecon la komunumo defendis ĝis hodiaŭ malgraŭ sia malgrandeco. En la jaro 1883 estis konstruita veturebla vojo ĝis Corippo. Eklezie Corippo sendependiĝis en la jaro 1782 de la Paroĥo Vogorno, sed ek de 1917 ĝi denove apertenas al Vogorno.[3]
Evoluo de la loĝantaro
La loĝantaro ek de la 18-a jarcento konstante malkreskis. Nuntempe nur ankoraŭ 12 homoj konstante vivas en Corippo. La plej juna el inter ili estas 41-jaraĝa.[4]
| Disvolviĝo de la loĝantaro | |
|---|---|
| Jaro | Loĝantoj |
| 1795 | 269 |
| 1850 | 294 |
| 1900 | 196 |
| 1950 | 73 |
| 2000 | 22 |
| 2005 | 17 |
| 2006 | 18 |
| 2009 | 15 |
| 2010 | 12 |
Notoj kaj referencoj
- ↑ Fonto: Reta mapo 1:20000 de Swisstopo
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Daniela Pauli Falconi: Corippo en Historia Leksikono de Svislando (2004-03-05)
- ↑ Fonto: Federacia statistiko pri la konstanta loĝantaro en Svislando
Eksteraj ligiloj
- Oficiala retejo de la komunumo Corippo Arkivigite je 2006-05-16 per la retarkivo Wayback Machine
- Vidu ankaŭ en la Vikimedia Komunejo la kategorion Corippo – (Kolekto de bildoj kaj plurmediaj dosieroj)
Bildoj
Komunuma domo
Vilaĝa strateto
| ||||||||||||||||||
