| Christoph Waltz | |||||
|---|---|---|---|---|---|
Oskar-premiito  | |||||
.jpg.webp) | |||||
| Persona informo | |||||
| Christoph Waltz | |||||
| Naskiĝo | 4-an de oktobro 1956 (67-jaraĝa) en Vieno | ||||
| Lingvoj | germana • angla • franca vd | ||||
| Loĝloko | Berlino • Los-Anĝeleso vd | ||||
| Ŝtataneco | Germanio • Aŭstrio vd | ||||
| Alma mater | Lee Strasberg Theatre and Film Institute • Theresianum • Max-Reinhardt-seminario vd | ||||
| Familio | |||||
| Patro | Johannes Waltz vd | ||||
| Patrino | Elisabeth Urbancic vd | ||||
| Parencoj | Rudolf von Urban • Maria Mayen vd | ||||
| Profesio | |||||
| Okupo | aktoro • reĝisoro • filmaktoro • teatra reĝisoro • teatra aktoro • televida aktoro • filmreĝisoro vd | ||||
| Aktiva dum | 1977– vd | ||||
| |||||
| |||||
| vd | Fonto: Vikidatumoj | ||||
Christoph WALTZ (la 4-an de oktobro 1956) estas aŭstra kinoaktoro kaj reĝisoro, gajninto de du Oskaroj, du Oraj Globoj kaj premio BAFTA en la plej bona flankaktoro kategorio, kaj la premio plej bona aktoro de la Festivalo de Cannes, li famiĝis en du filmoj de Quentin Tarantino, pro sia portretado de la fikcia rolulo de kolonelo Hans Landa en Inglourious Basterds (Malhonoraj Bastardoj), la rolulo de D-ro King Schultz en Django Unchained, kaj la fiulo Ernst Stavro Blofeld en la filmo Spectre, kiu estas la 24-a filmo de la James Bond filmserio.
Vivo
.jpg.webp)
Waltz naskiĝis en Vieno, Aŭstrio. Liaj gepatroj estis paro da dezajnistoj, kaj lia avo estis aktoro. Li komencis studi aktoradon ĉe Universitato por Muziko kaj Drama Arto de Vieno, kaj ĉe la Lee Strasberg Theatre and Film Institute en Novjorko. Li dividas sian tempon inter Londono, Vieno kaj Los-Anĝeleso.
Kariero
Li komencis kiel scenejaktoro kaj aperis sur scenejoj en Svislando same kiel en la Burgoteatrejo en Aŭstrio.
Post sukcesa televidkariero kaj partopreno en pluraj lokaj filmoj, la relative malfrua sukceso de Waltz kiel aktoro venis en 2009, kiam li estis akceptita por la gvidrolo kune kun Brad Pitt en la militdramo de Quentin Tarantino Inglourious Basterds. En la filmo Waltz rolis kiel SS-kolonelo Hans Landa, konata kiel la "Juda Ĉasisto". Por lia rolo en la filmo, Waltz gajnis la Oskaron por Plej bona flankaktoro, la Plejbone Aktoro-Premion ĉe la Festivalo de Cannes kaj la Premio Ora Globo, premio Screen Actors Guild kaj BAFTA Premio por Plej bona Aktoro en Flanka Rolo.
En la 2012 filmo Django Unchained, li rolis kiel la rolulo de Dr. King Schultz, germana premiĉasisto en la periodo antaŭ la Civita Milito de Usono. Pro sia rolo li duafoje ricevis la Akademian Premion por Flankaktoro.
En novembro 2015, li rolis kiel la ĉefa fiulo en la James Bond-a filmo "Spectre", Ernst Stavro Blofeld, la ĵurita kaj plej granda malamiko de Bond en la filmo kaj la gvidanto de la fikcia terorista organizo "SPECTRE".
En 2017, li agis en la sendependa dramfilmo Tulip Fever, kune kun Alicia Vikander kaj Cara Delevingne.
Waltz estas la dua aŭstra kinoaktoro en la historio, kiu gajnis la Akademian Premion post Joseph Shieldkraut, kiu gajnis la premion en 1937 pro sia agado en la filmo La Vivo de Emile Zola.
En 2019, Waltz reĝisoris la draman filmon GeorgeTown (Ĝorĝtaŭno). La filmo estas bazita sur la vivo de Viola Hermes Drath kaj ŝia murdo.
En 2023, li komencis ĉefroli en la serio de suspenso kaj spionado The Counselor de Amazon Prime Video.
Filmografio
| Jaro | Filmo | Rolo | Noto |
|---|---|---|---|
| 1981 | Head Stand | Marcus Doran | |
| 1982 | Fire and Sword | Tristan | |
| 1986 | Wonfried | Friedrich Nietzsche | |
| 1988 | Faster than the eye | Cop | |
| 1995 | Beginning of Something | Harbert | |
| 1995 | Catherine the Great | ||
| 2000 | Decent Criminalist | ||
| 2009 | Inglourious Basterds | Kolonelo Hans Landa | |
| 2011 | The Green Hornet | Benjamin Chadnovsky | |
| Water for Elephants | Aŭgusto Rosenbluth | ||
| The Three Musketeers | Kardinalo Richelieu | ||
| Carnage | Alan Cowan | ||
| 2012 | Django Unchained | Dr. King Schultz | |
| 2013 | The Zero Theorem | Kwon Leth | |
| Epic | Mandragoro | dublado | |
| | Muppets Most Wanted | en sia propra rolo | |
| How to get rid of the Boss 2 | Brett Henson | ||
| Big eyes | Kiel Walter Keane | ||
| 2015 | Spectre | Ernst Stavro Blofeld | |
| 2016 | The Legend of Tarzan | Kapitano Leon Rom | |
| 2017 | Tulip fever | Cornelis Sandworth | |
| Downsizing | Dusan Mirkovic | ||
| 2019 | Alita: Battle Angel | D-ro Dyson Ido | |
| 2020 | The Most Dangerous Game | Miles Saylers | televida serio |
| | No Time to Die | Ernst Stavro Blofeld | |
| The French Dispatch | Boriso | ||
| 2022 | Guillermo del Toro's Pinocchio | la vulpo | dublado |
| Dead for a Dollar | Max Borland | ||
| 2023 - Nuntempe | The Consultant | Rigus Patoff | gvidrolo; 8 ĉapitroj |
| Por esti publikigota | Gilded Rage | Thomas Gilbert Sr | |
| The Portable Door | Humphrey Wells |
Aŭdlibroj
- 2007: Robert M. Sapolsky: Mein Leben als Pavian. Random House Audio, (ISBN 978-3-8371-7809-8)
Eksteraj ligiloj
- Christoph Waltz ĉe Interreta filma datumbazo (angle)
- Christoph Waltz intervjuoj sur Charlie Rose
- Christoph Waltz ĉe la germana Dublada Karta Indekso