| Champvent | |
|---|---|
 Blazono de Champvent | |
| Blazono de Champvent | |
_036.JPG.webp) Champvent | |
| Champvent | |
| komunumo en Svislando | |
| Kantono | Vaŭdo |
| Distrikto | Vaŭda Nordĵuraso |
| Koordinatoj | 46° 46′ 56″ N 6° 34′ 17″ O / 46.78222 °N, 6.57139 °O (mapo)Koordinatoj: 46° 46′ 56″ N 6° 34′ 17″ O / 46.78222 °N, 6.57139 °O (mapo) |
| Nombro de loĝantoj | 598 |
| Areo | 9,04 km² |
| Alteco | 530 m super marnivelo |
| Poŝtkodo | 1443 |
| Komunumkodo | 5905 |
 Mapo de Champvent | |
| Situa mapo de Champvent | |
Champvent estas historia urbeto komunumo en la distrikto Vaŭda Nordĵuraso en Kantono Vaŭdo, Svislando. Ĝi havis 598 loĝantojn je la 31-a de decembro 2012.
Geografio
La komunumo Champvent situas en la norda Vaŭda Mezlando sude de la Ĵurasa Montaro sur tavolo super la ebenaĵo de la rivero Orbe kaj proksimume 5 kilometrojn okcidente de la distriktĉefurbo Yverdon-les-Bains. La komunumo konsistas el la tri vilaĝoj Champvent, Essert-sous-Champvent kaj Villars-sous-Champvent, kaj la setlejoj Grange Neuve, La Ruche kaj Sainte-Christophe.[1]
La teritorio de la komunumo etendiĝas sur areo de 9,04 km², de kiuj 21,9% estas kovritaj de arbaro, 71,5% servas por agrikulturo kaj 5,5% por setlado. [2]
Najbaraj komunumoj
La komunumo Champvent limas en nordo al Vuiteboeuf, en nordoriento al Valeyres-sous-Montagny, en oriento al Montagny-près-Yverdon, en sudoriento al Chamblon, en sudsudoriento al Suscévaz, en sudo al Mathod, en sudokcidento al Rances, kaj en okcidento al Baulmes.
Trafiko
Tra Champvent pasas la kantona ĉefvojo n-ro 130 de Yverdon-les-Bains al Orbe. La plej proksima alveturejo al la svisa aŭtovojo A5 situas 4 kilometrojn oriente de la komunumo apud Yverdon-les-Bains kaj al la svisa aŭtovojo A9 7 kilometrojn sudsudokcidente de la komunumo apud Orbe. Tra Essert pasas ankaŭ la kantona ĉefvojo 151 de Yverdon-les-Bains al Sainte-Croix. Essert disponas pri stacidomo ĉe la mallarĝspura fervojlinio de Yverdon-les-Bains al Sainte-Croix. La ceteran komunumon konektas poŝtaŭtolinio de la stacidomo de Essert-sous-Champvent al Champvent kun la publika transportreto.
Historio
La unua dokumenta mencio de Champvent datiĝas el la jaro 1011 kiel Canvent. Dum mezepoko Champvent estis la centro de senjorujo, al kiu apartenis al vilaĝoj Champvent, Mathod, Suscévaz, Essert-sous-Champvent, Villars-sous-Champvent, Orges, Vugelles-la-Mothe, Vuitebœuf, Sainte-Croix kaj Bullet. Sub la berna regado ĝis la Helveta Revolucio de 1798 Champvent apartenis al la Voktejo Yverdon, kiu post la revolucio estis transformita al distrikto kaj kun efiko de la 1-a de januaro 2008 surbaze de la administra reformo de 2006 integrita al la nova Distrikto Vaŭda Nordĵuraso. La vilaĝo Saint-Maurice en la jaro 1811 estis disigita de la komunumo Mathod kaj kunigita kun la komunumo Champvent.[3] [4]
Kun efiko de la 1-a de januaro 2012 la ĝis tiam aŭtonomaj komunumo Essert-sous-Champvent kaj Villars-sous-Champvent estis integritaj al la komunumo Champvent.[5]
Notoj kaj referencoj
- ↑ Fonto: Reta mapo 1:20000 de Swisstopo Arkivigite je 2013-10-19 per la retarkivo Wayback Machine
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Pierre-Yves Favez: Champvent (komunumo) en Historia Leksikono de Svislando (2005-01-04)
- ↑ Vidu ankaŭ: Pierre-Yves Favez: Champvent (senjorujo) en Historia Leksikono de Svislando (2003-11-03)
- ↑ Fonto: Philippe Heubi: Champvent en Historia Leksikono de Svislando (2012-02-02)
Vidu ankaŭ
Eksteraj ligiloj
- Vidu ankaŭ en la Vikimedia Komunejo la kategorion Champvent – (Kolekto de bildoj kaj plurmediaj dosieroj)
Bildoj
_319.JPG.webp)
Rigardo de Mathod al la Kastelo de Champvent_065.JPG.webp)
Preĝejo Nia Sinjorino de Champvent_060.JPG.webp)
Preĝejo de interne_069.JPG.webp)
Servutoturo en la malnova urbetocentro_072.JPG.webp)
La urbetocentro_090.JPG.webp)
Lernejo de Essert-sous-Champvent_049.JPG.webp)
Villars-sous-Champvent
