 Kiel legi la taksonomion | ||||||||||||
|---|---|---|---|---|---|---|---|---|---|---|---|---|
 Maskla plenkreskulo de centrocerko | ||||||||||||
| Biologia klasado | ||||||||||||
| ||||||||||||
 Z Z | ||||||||||||
Genroj de subdivizioj | ||||||||||||
Aliaj Vikimediaj projektoj | ||||||||||||
La centrocerkoj estas la du specioj de la genro de birdoj Centrocercus de la familio de Tetraonedoj. Ili estas la plej grandaj lagopoj el moderklimata Nordameriko. Plenkreskuloj havas longan, pintan voston kaj krurojn kun plumoj ĝus la fingroj. Kiel ĉe plej parto de Kokoformaj, estas tre markata seksa dimorfismo.
Pariĝado
La specioj de la genro Centrocercus rimarkindas pro siaj prilaborataj pariĝadaj ceremonioj. Ĉiun printempon maskloj ariĝas en masklejoj “lek” kaj plenumas memmontran ceremonion. La masklo ŝvelas grandan, blankecan aersakon de sia brusto, faras mildan tamburadon, kaj fanfaronadas montrante siajn vostoplumojn kaj aersakon. Grupoj de inoj observas tiujn montrojn kaj selektas la plej allogajn masklojn por kopulacio. Nur kelkaj maskloj faras plej parton de la ceremonio. Maskloj plenumas la masklajn ceremoniojn dum horoj frumateniĝe kaj vespere dum la printempaj monatoj inter februaro kaj aprilo. La masklejoj estas ĝenerale malfermaj areoj apudaj al densaj artemiziejoj, kaj la sama masklejo estas uzata de la lagopoj dum jardekoj.
Priskribo
Inoj konstruas nestojn kaj kovas siajn ovojn ĉe ŝirmo de artemizio. La ino uzas herbon inter artemiziujoj por kroma ŝirmo.
La idoj estas frumaturaj kaj povas piediri tuj post eloviĝo kaj povas ekflugi mallongajn distancojn post du semajnoj. Post kvin semajnoj ili povas flugi pli longajn distancojn.
Konservostatuso
Populacioj de centrocerkoj malpliiĝas pro habitatoperdo kaj malpliiĝo de la ebenaĵaj prahabitatoj kiujn tiuj specioj postulas por reproduktiĝi. La Artemizia lagopo troviĝas en grandaj nombroj nur en duono de la subŝtatoj kiujn enhavas la originaj teritorioj. La Biodiversity Conservation Alliance kaj aliaj organizoj petis listigi la lagopon sub laŭ la Endangered Species Act.
Estas du specioj:
- Artemizia lagopo, Centrocercus urophasianus
- Gunisona lagopo, Centrocercus minimus
La populacio de la baseno al Lago Mono povus reprezenti trian specion.
Notoj
Eksteraj ligiloj
- Sage Grouse Protection Arkivigite je 2013-01-13 per Archive.today- Biodiversity Conservation Alliance
| ||||||||||||||||||