Centra ringo de Moskvo
Московское центральное кольцо (МЦК)

Superrigardo
Loko Moskvo  Rusio
Trafikado
Trafikanto Rusaj fervojoj
Metroo de Moskvo
Historio
Malfermo 10-a de septembro 2016
Teknikaj trajtoj
Longo 54 km
Ŝpuro 1520 mm (Larĝa ŝpuro)
Stacioj de la fervojlinio
31 stacioj

La Centra ringo de Moskvo aŭ MCK (ruse Московское центральное кольцо, МЦК),[1][2] nomita Linio 14 aŭ nur Ĉirkaŭira linio (ruse Окружная линия) kaj markita en ruĝa/blanka koloro estas 54 km longa cirkla fervojlinio kiu ĉirkaŭiras historian Moskvon. La linio estas rekonstruita el la malgranda cirkla fervoja ringo kaj malfermita al pasaĝeroj la 10-an de septembro 2016[3][4] kaj estas ekspluatata de la posedata de Registaro de Moskvo kompanio MKZD tra la Metroo de Moskvo, kun la kontrolitaj de la ŝtato Rusaj fervojoj elektitaj kiel la ekspluatada subkontraktisto. La infrastrukturo, trakoj kaj kajoj estas posedataj kaj administritaj fare de Rusaj fervojoj,[5] dum plej multaj stacidomoj estas posedataj de MKZD.

Historio

La fervojo estis komisiita en 1897 sub la aŭspicioj de caro Nikolao la 2-a, tiel akirante la kromnomon "Reĝa Fervojo" .[6] La planado daŭris kvin jarojn. Dek tri alternativaj dezajnoj estis reviziitaj dum la procezo. La gajninta oferto estis por kvar-traka fervojlinio, kun du trakoj asignitaj al frajto, kaj la aliaj du uzataj de trajnoj por pasaĝeroj. La projekto venis kun estimita kosto de 40 milionoj da rubloj.

Konstruado komenciĝis en majo 1902. Sekvante malvenkon de la Rusa-japana milito en 1905, la konstruo estis prokrastita. Tial ke la kostoj superis la estimitan koston per triono, la nombro de konstruotaj vojoj estis reduktita al du. Pontoj, de kiuj estas 35 (4 grandaj kaj 31 malgrandaj), estis aparte multekostaj. Ilia malalta interspaco malhelpis elektrizadon dum pli ol la venonta jarcento.[7] La vasta fervoja infrastrukturo inkludis loĝejojn, akvoturojn, forĝejojn, kaj diversajn butikojn.[8][7] Stacidomoj - arĥitekturaj ĉefverkoj konstruitaj en la tipa rusa industria stilo de la frua 20-a jarcento - havis elektron.[8] Hejtado estis provizita de kahelfornoj, kelkaj el kiuj estis faritaj en Rusio, kaj iuj importitaj el Nederlando. Horloĝojn de stacioj estis aĉetitaj de svisa produktanto Paul Buhre. Konataj pro ilia ĝusteco, ĉi tiuj horloĝoj, provizore, iĝis la urba referenca horo. Nur unu el tiuj horloĝoj supervivis. Ĝi situas en mastruma oficejo de stacio Presnja.

La unua trajno veturis en 1907.[6] La 19-an de julio 1908, la fervojo estis oficiale malfermita. La malferma ceremonio okazis kun ĉeesto de la Caro, de la membroj de la reĝa familio, kaj de oficialuloj de la registaro kaj urbo.

En la unuaj monatoj, la fervojo estis uzata ekskluzive por pasaĝera trafiko. Pro alta vojaĝkosto - 3,40 rubloj - vojaĝado estis praktike neekzistanta, kaj la linio alportis entute 132 rublojn de enspezo ekde la enservigo. Tial, la 10-an de oktobro 1908, pasaĝeraj trajnoj estis nuligitaj favore al frajto.

Inter la Dua Mondmilito kaj la Oktobra Revolucio de 1917, la pasaĝera servo estis restarigita, kvankam frajto restis la sola vivtena fonto de enspezoj. En la malfruaj 1920-aj jaroj, aliaj formoj de publika transporto aperis, kaj, en 1934, pasaĝera servo finiĝis, nur por rekomenci, denove, 82 jarojn poste.

Mapoj


centra

Stacioj

La 31 stacioj de la Centra ringo de Moskvo laŭ la horloĝa movo (aŭ inverse)

StacioRuslingva nomoOficiala latinlitera nomoInterkonektoj
31OkruĵnajaОкружнаяOkrujnaya100 Okruĵnaja
D1 Okruĵnaja
30VladikinoВладыкиноVladykino090 Vladikino Kovrita pasejo
29Botaniĉeskij sadБотанический садBotanichesky Sad060 Botaniĉeskij sad
28RostokinoРостокиноRostokinoD5 Rostokino
27BelokamennajaБелокаменнаяBelokamennaya
26Bulvar RokossovskogoБульвар РокоссовскогоBulvar Rokossovskogo010 Bulvar Rokossovskogo
25LokomotivЛокомотивLokomotiv010 Ĉerkizovskaja Kovrita pasejo
24IzmajlovoИзмайловоIzmaylovo030 Partizanskaja
23Sokolinaja GoraСоколиная ГораSokolinaya Gora
22Ŝosse EntuziastovШоссе ЭнтузиастовShosse Entuziastov080 Ŝosse Entuziastov
21AndronovkaАндроновкаAndronovka
20NiĵegorodskajaНижегородскаяNijegorodskaya110 Niĵegorodskaja
150 Niĵegorodskaja
19NovoĥoĥlovskajaНовохохловскаяNovohohlovskayaD2 Novoĥoĥlovskaja
18UgreŝskajaУгрешскаяUgreshskaya070 Volgogradskij prospekt
17DubrovkaДубровкаDubrovka100 Dubrovka
100 Koĵuĥovskaja
16AvtozavodskajaАвтозаводскаяAvtozavodskaya020 Avtozavodskaja
15ZILЗИЛZIL160 ZIL
180 ZIL
14Verĥnije KotliВерхние КотлыVerkhniye Kotly090 Nagatinskaja
13KrimskajaКрымскаяKrymskaya160 Krimskaja
12Ploŝĉad GagarinaПлощадь ГагаринаPloschad Gagarina060 Leninskij prospekt Kovrita pasejo
11LuĵnikiЛужникиLujniki010 Sportivnaja
10KutuzovskajaКутузовскаяKutuzovskaya040 Kutuzovskaja Kovrita pasejo
09Delovoj centrДеловой центрDelovoy Tsentr041 Meĵdunarodnaja Kovrita pasejo
D1 Testovskaja
08ŜelepiĥaШелепихаShelepikha110 Ŝelepiĥa Kovrita pasejo
D1 Testovskaja
07ĤoroŝovoХорошёвоKhoroshyovo070 Poleĵajevskaja 110 Ĥoroŝovskaja
06ZorgeЗоргеZorge
05PanfilovskajaПанфиловскаяPanfilovskaya070 Oktjabrjskoje Pole
04StreŝnevoСтрешневоStreshnevoD2 Streŝnevo
03BaltijskajaБалтийскаяBaltiyskaya020 Vojkovskaja
02KoptevoКоптевоKoptevo
01LiĥoboriЛихоборыLikhoboryD3 Liĥobori

Bildgalerio

Referencoj

  1. ↑ МКЖД официально переименовали в Московское центральное кольцо. Rossiya Segodnya.
  2. ↑ МКЖД получила название Московское центральное кольцо.
  3. ↑ Rupasova, Anastasia. How Moscow’s new light rail system will make life easier for passengers (2016-09-09). (La aŭtoro malĝuste rilatas al la sistemo kiel "malpeza fervojo", eĉ se ŝi ĝuste identigas veturantan materialon kiel Lastoĉka, kiu estas norma fervoja vagonaro)
  4. ↑ Власти Москвы запустят МЦК для пассажиров 10 сентября (Moskvaj aŭtoritatoj komencos funkciigi pasaĝeran servon sur Centra ringo de Moskvo la 10-an de septembro).
  5. ↑ Стартовал второй этап тестовой обкатки «Московской кругосветки». www.gudok.ru. Alirita 2016-12-04.
  6. 1 2 Московская кругосветка № 23 (54) (ruse). Большая Москва (2015-06-24). Arkivita el la originalo je 2016-03-04. Alirita 2016-03-18.
  7. 1 2 История МЦК. Единый Транспортный Портал. Arkivita el la originalo je 2019-01-21. Alirita 16 septembro 2016.
  8. 1 2 Кочкурова, Анна. Альбом сооружений Московской окружной железной дороги 1903-1908 гг.. История России до 1917 года. Alirita 15 septembro 2016.

Vidu ankaŭ

Eksteraj ligiloj

Fonto

En tiu ĉi artikolo estas uzita traduko de teksto el la artikolo Moscow Central Circle en la angla Vikipedio.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.