Dana Esperanto-Asocio
Esperantoforeningen for Danmark
Emblemo de Dana Esperanto-Asocio
Lando  Danio
Tipo landa Esperanto-asocio
Fondiĝo januaro 1908
Fondiĝloko Kopenhago
Interretejo esperanto.dk
Dana Esperanto-Asocio
landa asocio de UEA • organizaĵo
Komenco 1908 vd
Lando(j) Danio vd
Ĉefestro(j) Ileana Schrøder • Peter Wraae vd
Retejo Oficiala retejo
Jura formo volontula asocio

La Dana Esperanto-Asocio (DEA) estas la nacia Esperanto-organizo de Danio, komence nomita Centra Dana Esperantista Ligo (CDEL).

DEA estas idealisma organizo, en kiu ĉiu laboro okazas senpage. La Asocio estas vivtenata de la membraj kotizoj. Ĉiuj ajn kiuj volas, rajtas membriĝi. En 2006 la asocio havis 205 membrojn. La asocio ankoraŭ ne havas oficejon. La nuna prezidanto estas Peter Wraae ekde 2016, post Ileana Schrøder, kiu estis prezidanto ekde 2003.[1]

DEA estas kontaktebla per sia kontaktpaĝo en TTT (vidu sub Eksteraj ligiloj sube) aŭ per retpoŝto al <dea(ĉe)esperanto.dk>.

Gazetoj

Dana Esperanto-Asocio regule eldonas la jenajn organojn:

Estraro

Historio

La unua dana lernolibro verkita de Christian Nielsen, eldoniĝis en 1890 en Flensburg (Germanio) sed restis pli-malpli nekonata. En 1897 la redaktoro Peder Kristensen Toksvig fondis la unuan danan Esperanto-asocion en Nykøbing (Sjælland). En 1904 Frederik Skeel-Giørling eldonis lernolibron kaj vortaron kaj tio ege helpis la disvastigon de Esperanto en Danio.

En januaro 1908 laŭ propono de la aktivulino Marie Schröder fondiĝis la Centra Dana Esperantista Ligo (CDEL), kiu nun nomiĝas Dana Esperanto-Asocio. La saman jaron en aŭgusto en Kopenhago okazis postkongreso de la 4-a Universala Kongreso de Esperanto en Dresdeno, kun L. L. Zamenhof kiel ĉefgasto. En tiu jaro fondiĝis ankaŭ Kopenhaga Esperanto-Klubo (KEK). En 1909 fondiĝis kluboj en Ålborg, Vejle, Randers kaj Århus, kaj en 1910 sekvis klubo en Esbjerg.

La unua mondmilito estis malmola frapo al la Esperanto-movado, sed dum la intermilitaj jaroj Esperanto disvastiĝis en Danio danke al natura metodo, instruita de kelkaj eksterlandaj instruistoj.

En 1948 estis fondita Dana Esperantista Fervojista Asocio (DEFA) (Dansk Jernbane Esperanto-Forening). En 1956, 1962, 1975 kaj 2011 okazis Universalaj Kongresoj (UK) en Kopenhago.

Membronombroj

Laŭ la publikigoj de la statistikoj en la revuo Esperanto la membronombroj tiel evoluis:

JaroAsociaj
Membroj
(AM, UEA)		Individuaj
Membroj
(IM, UEA)		AM+IM
(UEA)		Fonto
199615697253[2]
199715692248[3]
199813193224[4]
1999119108227[5]
200011089199[6]
200184149233[7]
200213679215[8]
200313390223[9]
200413088218[10]
200512787214[11]
200614697243[12]
200712291213[13]
200897[14]

Referencoj

  1. ↑ artikolo pri la transdono de la prezidanteco en Esperanto en Danio, majo 2016
  2. ↑ Esperanto 1091 (4), aprilo 1997, p. 66
  3. ↑ Esperanto 1102 (4), aprilo 1998, p. 79
  4. ↑ Esperanto 1113 (4), aprilo 1999, p. 66
  5. ↑ Esperanto 1124 (4), aprilo 2000, p. 66
  6. ↑ Esperanto 1135 (4), aprilo 2001, p. 66
  7. ↑ Esperanto 1149 (7), julio-aŭgusto 2002, p. 156
  8. ↑ Esperanto 1160 (6), junio 2003, p. 130
  9. ↑ Esperanto 1171 (6), junio 2004, p. 126
  10. ↑ Esperanto 1180 (4), aprilo 2005, p. 79
  11. ↑ Esperanto 1191 (4), aprilo 2006, p. 79
  12. ↑ Esperanto 1202 (4), aprilo 2007, p. 80
  13. ↑ Esperanto 1213 (4), aprilo 2008, p. 84
  14. ↑ UEA gazetara komuniko n-o 318

Vidu ankaŭ

Eksteraj ligiloj

Naciaj Esperanto-asocioj kaj ligoj
Afriko Flago de Esperanto
Ameriko
Azio
Eŭropo
Oceanio
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.