Censa loko (angle Census-designated place, mallonge CDP) estas termino uzata de la usona censa instanco por etikedi lokojn, kiuj havas rekoneblan urb(et)ecan trajtaron, sed al kiuj mankas formale municipa regstrukturo. Interalie, en la ŝtato Havajio tute mankas urbaj municipiĝoj, do tie troviĝas nur Censaj lokoj.

Censaj lokoj, kiuj atingis grandecon de urbegoj estas laŭalfabete: Enterprise (Nevado), Metairie, Paradise (Nevado), Spring Valley (Nevado), Sunrise Manor.