| Cebiv | |
| kastelo | |
 Kastela fasado el vilaĝplaco | |
| Oficiala nomo: Cebiv | |
| Ŝtato |  Ĉeĥio |
|---|---|
| Regiono | Regiono Plzeň |
| Distrikto | Distrikto Tachov |
| Administra municipo | Cebiv |
| Historiaj regionoj | Bohemio, Sudetio |
| Situo | Cebiv |
| - koordinatoj | 49° 49′ 45″ N 12° 58′ 45″ O / 49.82917 °N, 12.97917 °O (mapo) |
| Stilo | baroka arkitekturo |
| Unua skribmencio | 1543 burgejo |
| Konstruinto | Löwensteinidoj |
| Horzono | MET (UTC+1) |
| - somera tempo | MET (UTC+2) |
 Situo enkadre de Ĉeĥio  Situo enkadre de Ĉeĥio
| |
 Vikimedia Komunejo: Cebiv Castle | |
 Portalo pri Ĉeĥio | |
Cebiv estas kastelo en samnomata municipo en distrikto Tachov konstruita en la unua duono de la 18-a jarcento en baroka stilo. Ĝi estas protektita kiel kultura memorindaĵo de Ĉeĥio.
Historio
El la jaro 1543 devenas la unua skribmencio pri gotika burgejo, kiu apartenis al Jan Drzdeř el Hrádek. Post tio, kiam formortis liaj viraj idoj, la senjorujon akiris filino Eva edziniĝinta kun Jindřich Strojetický el Strojetice, al kies idoj ĝi apartenis ĝis la jaro 1646, kiam la bienon heredis senjoroj el Vrtba. En la jaro 1657 la burgejo forbrulis kaj verŝajne ĝi ne estis riparita. Plej supera burggrafo Jan Josef z Vrtby vendis la kastelon en la jaro 1712 al Löwensteinidoj, al kiuj ĝi apartenis ĝis la jaro 1945 kaj kiuj sur loko de la devena burgejo en la unua duono de la 18-a jarcento konstruis la barokan kastelon.
Konstrua aspekto
La kastela konstruaĵo kun mansarda tegmento havas bazplanon en formo de litero H. En duetaĝa ĉefa fasado troviĝas enireja portalo. La fasadoj estas membrigitaj per pilastraj frisoj. Kelkaj ĉambroj havas krucvolbojn aŭ barelvolbojn.
Pluaj fotoj
Flanka alo
Malantaŭa vido
Frunta muro