| Buchlovice | |
| ĉeĥe: Zámek Buchlovice | |
| Kastelo | |
 Kastelo Buchlovice | |
| Oficiala nomo: Zámek Buchlovice | |
| Lando |  Ĉeĥio |
|---|---|
| Regiono | Regiono Zlín |
| Distrikto | Distrikto Uherské Hradiště |
| Parto de | Buchlovice |
| Situo | Buchlovice |
| - koordinatoj | 49° 05′ 02″ N 17° 20′ 13″ O / 49.08389 °N, 17.33694 °O (mapo) |
| Aŭtoro | Jan Dětřich el Petřvald |
| Stilo | Baroko |
| Estiĝo | 1707 |
| Por publiko | alirebla |
| Plej facila aliro | municipo Buchlovice |
 Situo de kastelo Buchlovice en Ĉeĥio  Situo de kastelo Buchlovice en Ĉeĥio
| |
 Vikimedia Komunejo: Buchlovice Castle | |
| Retpaĝo: www.zamek-buchlovice.cz | |
 Portalo pri Ĉeĥio | |
Buchlovice estas kastelo en Ĉeĥio. Ĝi situas en la samnoma urbeto en suda Moravio, regiono Zlín, 11 km for de Uherské Hradiště. La tuta baroka komplekso konsistas el du kastelaj konstruaĵoj kaj 18-hektara parko. Pro sia arta valoro ĝi havas statuton de nacia kultura memorindaĵo de Ĉeĥio.
Historio
Historio de la kastelo ligiĝas al historio de proksima burgo Buchlov – kiu en la 17a jarcento iĝis por nobelaro nekomforta, kio igis tiaman posedanton Jan Dětřich el Petřvald fondi novan kastelon.
La kastelo estas konstruita en stilo de itala baroko laŭ la projekto de Domenico Martinelli kaj temas pri unu el plej belaj tiutipaj kompleksoj en tuta Ĉeĥio. Nobela familio Petřvald estis en la jaro 1800 anstataŭita per familio Berchtold, kiu vivis tie ĝis 1945, kiam la kastelo estis ŝtatigita.
Vidindaĵoj
En la kastelo videblas 18 historie ekipitaj ĉambroj kaj salonoj kun riĉa dekora ornamo kaj valora meblaro en stiloj de baroko, rokoko kaj nova baroko, muzika salonego kaj multaj kuriozaĵoj. En la ĉirkaŭaj ĝardenoj eblas viziti ekspozicion pri fuksioj, ĉasbirdan bredstacion kaj kelan vinotekon kun tradiciaj moraviaj vinoj.
Krome okazas portempaj ekspozicioj, komence de julio estas en la kastelo organizata teatra festivalo (pri aktualaj informoj vidu oficialan retpaĝon).
Praktikaj informoj
- La kastelo estas publike alirebla ekde aprilo ĝis oktobro, en aliaj monatoj laŭ interkonsento.
- La trarigardo (nur kun ĉiĉerono) daŭras proksimume 50 minutojn.
- Pagita parkejo troviĝas 100 m de la kastelo. La kastelo alireblas ankaŭ por rulseĝuloj.
- La parko estas malfermita tutjare.
Vidu ankaŭ
Eksteraj ligiloj
- Bildoj, sonoj kaj videoj pri temo kastelo Buchlovice en Vikimedia Komunejo
- Oficiala retejo
- Vingalerio Buchlovice Arkivigite je 2010-08-29 per la retarkivo Wayback Machine
- Ampleksa fotogalerio