| Bregaglia | |
|---|---|
 Blazono de Bregaglia | |
 Castasegna komunumo, Bregaglia | |
| komunumo en Svislando | |
| Kantono | Grizono |
| Distrikto | Malojo |
| Komunumaro | Bregaglia |
| Koordinatoj | 46° 20′ 36″ N 9° 35′ 26″ O / 46.34333 °N, 9.59056 °O (mapo)Koordinatoj: 46° 20′ 36″ N 9° 35′ 26″ O / 46.34333 °N, 9.59056 °O (mapo) |
| Nombro de loĝantoj | 1613 |
| Areo | 251,45 km² |
| Alteco | 994 m super marnivelo |
| Poŝtkodo | 7603 Vicosoprano 7605 Stampa 7606 Bondo 7508 Castasegna 7610 Soglio 7516 Malojo |
| Komunumkodo | 3792 |
 Mapo de Bregaglia | |
Pri la komunumo
Bregaglia estas la ununura komunumo de la komunumaro Bregaglia kaj la distrikto Malojo en Kantono Grizono, Svislando. Germanlingva nomo: Bergell. Ĝi havis 1613 loĝantojn je la 31-a de decembro 2009. Ĝia ĉefloko estas la vilaĝo Vicosoprano. Ĝi estas unu el la tri itallingvaj valoj de la kantono Grizono.
Geografio
La teritorio de la komunumo Bregaglia kongruas kun tiu de la samnoma komunumaro. Ĝi konsistas el la supra parto de la valo de la rivero Mera, alfluanto de la Lago de Como, kiu nomiĝas kiel la komunumo Valo de Bregaglia, kaj la fontregiono de la rivero Eno ĝis ties alfluo al la Lago de Silso. La akvodislimon inter la du riveroj formas la Malojopasejo. Al la komunumo apartenas en la Valo de Bregaglia la vilaĝoj Bondo kun Promontogno kaj Castelmur, Castasegna, Soglio, Stampa kaj Vicosoprano kun la frakcioj Roticcio, Pongello kaj Casaccia, kaj en Engadino la vilaĝoj Malojo kaj Isola, kiuj antaŭ al fondo de la komunumo Bregaglia apartenis al la komunumo Stampa. La plej alta punkto de la komunuma teritorio estas kun altecod de 3367 m s.m. la kulmino de Pizzo Cengalo ĉe la landlimo al Italio. En sudo de la komunumo troviĝas Albigna-Glaĉero, kies elfluo nutras la baraĵlagon Lago de Albigna.
Trafiko
Tra Bregaglia pasas la kantona ĉefvojo n-ro 3 de Samedan trans Malojopasejo, kiu en Soglio en Italio fariĝas la ŝtata vojo n-ro 37 ĝis Chiavenna. Al la publika transportreto la komunumo estas konektita per la poŝtaŭtolinio de Sankta Maŭrico al Chiavenna.
Historio
La komunumo Bregaglia estis kreita la 1-an de januaro 2010 el la ĝis tiam aŭtonomaj komunumoj Bondo, Castasegna, Soglio, Stampa kaj Vicosoprano.
La unua dokumenta mencio de Bregaglia datiĝas el la jaro 46 kiel Bergale.[1]
Vidu ankaŭ
Notoj kaj referencoj
Eksteraj ligiloj
- Oficiala retejo de la komunumo Bregaglia Arkivigite je 2007-09-28 per la retarkivo Wayback Machine
- Retpaĝo pri Bregaglia sur turisma retejo de Engadino
- Bregaglia en la Historia Leksikono de Svislando (germane, france, itale)
- Vidu ankaŭ en la Vikimedia Komunejo la kategorion Bregaglia – (Kolekto de bildoj kaj plurmediaj dosieroj)
| ||||||
