Borzești [borzeŝtj] estas loko en la komunumo Onești en la rumana distrikto Bacău.
En Borzești en 1433 naskiĝis Stefano la 3-a de Moldavio, nomata Stefano la Granda (rumane: Ștefan cel Mare). Li tie en 1494 konstruigis preĝejon, kiu ankoraŭ ekzistas. Ĝi nomiĝas Adormirea Maicii Domnului (ĉieliro de Maria) kaj estas arĥitektura monumento.
En 1954 en Borzești estis fondita kemia kombinato (Combinatul Chimic Borzești), kiu en 1959 ekfunkciis kaj produktis interalie oksigenon, poste ankaŭ natrian hidroksidon.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.