Boni Yayi
Persona informo
Thomas Yayi Boni
Naskiĝo	1-an de julio 1952 (1952-07-01) (71-jaraĝa) en Tchaourou
Religio	Evangeliismo vd
Lingvoj	franca vd
Ŝtataneco	Benino vd
Alma mater	Universitato de Abomey-Calavi • Université Paris-Dauphine • Universitato de Orleano • Universitato Cheikh Anta Diop vd
Partio	sen valoro • senpartia vd
Familio
Edz(in)o	Chantal Yayi vd
Infanoj	8
Parencoj	Marcel Alain de Souza vd
Profesio
Okupo	politikisto • ekonomikisto • bankisto vd
Postenoj Postenoj prezidanto de la Afrika Unio • Prezidento de Benino • President of West African Development Bank vd
Honorigoj Honorigoj Commander of the National Order of Benin • Grandkruco de la Nacia Ordeno de Benino • Nacia Ordo de Burkino • National Order of Chad • Commander of the National Order of Mali • Nacia ordeno de Niĝero • Granda Kruco de la Nacia Ordeno de Eburburdo • Commander of the National Order of the Lion • Algerian National Order of Merit, Atheer rank • Grand Cross with Collar of the Order of the White Rose of Finland • Kavaliro de la Nacia Ordeno de Merito vd
vd	Fonto: Vikidatumoj

D-ro Boni YAYI (naskita en 1952 en Tchaourou, Benino) estas ekonomikisto kaj prezidanto de Benino de 2006 ĝis 2016. Li naskiĝis en Tchaourou, en la nordorienta departemento Borgou. En tiu tempo Benino ankoraŭ estis kiel reĝlando Dahomeo, parto de la franca kolonio Franca Okcidentafriko. Yayi vizitis la lernejon en Parakou. Poste li studis en la Nacia Universitato de Benino. En Dakaro, la ĉefurbo de Senegalio li studis bankadministradon. Poste li studis en la Universitato de Orleano ekonimikon kaj politikajn sciencojn. En 1976 li doktoriĝis en ekonomiaj sciencoj.

Inter 1980 kaj 1988 Yayi laboris ĉe la centra banko de la okcidentafrikaj ŝtatoj (BCEAO) en Dakaro kaj fine fariĝis vicdirektoro. Poste li laboris kiel vicdirektoro por la evoluigo de la okcidentafrika centro por bankstudoj en Dakaro. Inter 1992 kaj 1994 li laboris en la oficejo de la tiutempa prezidanto de Benino Nicéphore Dieudonné Soglo kaj estis respondeca por la mon- kaj bankpolitiko.

En 1994 li fariĝis prezidanto de la okcidentafrika evoluiga banko (BOAD).

Ĉe la prezidantaj balotoj en marto 2006 li estis unu inter la plej promesplenaj kandidatoj. La ofichavanto Mathieu Kérékou ne plu rajtis kandidati post du oficperiodoj. En la unua rondo li ricevis 32 % de la voĉoj inter entute 26 kandidatoj. Alia promesplena kandidato Hongbedji ricevis 25 %. En la dua rondo je la 19a de marto Boni ricevis preskaŭ 75 % de la voĉoj. Yayi fariĝis prezidanto de Benino je la 6a de aprilo 2006. En 2016 li transdonis la prezidantan postenon al Patrice Talon.

En septembro 2021, Patrice Talon kaj Thomas Boni Yayi, politikaj aliancanoj, kiuj fariĝis intimaj malamikoj, renkontiĝis ĉe la Marina Palaco en Kotonuo. Dum ĉi tiu kapo-al-kapo, Thomas Boni Yayi prezentis al Patrice Talon serion de proponoj kaj petoj, rilate precipe al la liberigo de "politikaj arestitoj".