| Bogø | ||
|---|---|---|
 | ||
| insulo [+] | ||
| Akvejo | Balta Maro | |
| Insularo | Storstrømmen | |
| Koordinatoj | 54° 56′ N, 12° 2′ O (mapo)54.933312.0333Koordinatoj: 54° 56′ N, 12° 2′ O (mapo) | |
| Ĉefa loko | Bogø By | |
| Plej alta punkto | ||
| - alteco | 32 m | |
| Longo | 7 km (4 mi) | |
| Larĝo | 3 km (2 mi) | |
| Areo | 13 km² (1 300 ha) [+] | |
| Loĝantaro | 1 108 [+] (1-a de januaro 2013) | |
|
||
|
||
 |
||
| Bogø | ||
 Vikimedia Komunejo: Bogø [+] |
||
Bogø estas insulo en la Balta Maro, kiu apartenas al la ŝtato Danio. La insulo kovras areon de 13 km², kun dimensioj de maksimume 7 oble 3 kilometroj. La plej alta punkto situas 32 metrojn super la marnivelo. Proksimume 1000 personoj vivas sur la insulo, el ili 700 en la loĝloko Bogø By. La monteta insulo havas varian pejzaĝon inkluzive de arbaroj, tradiciaj vilaĝoj kaj pli novaj setlejoj el lignaj feriodomoj. Ĝis la jaro 1769 ĝi estis posedaĵo de la dania reĝo, sed tiam ofertiĝis al la insulanoj, kiuj aĉetis ĝin kontraŭ tiutempe impona sumo. Por havigi tiun sumon, la insulanoj faligis grandan parton de la insulaj arboj, kiuj intertempe plejparte rekreskis.
Trafiko
Okcidente de Bogø situas la pli eta insulo Farø ("ŝafa insulo"), kiu konektatas kun Bogø per ŝosea digo. Pere de tiu digo, la du insuletoj konektiĝas al la eŭropa aŭtoŝoseo A 47 kaj pere de ĝi al la multe pli granda insulo Sjælland kun la dania ĉefurbo Kopenhago unuflanko kaj la insuloj Lolland kaj Falster aliflanke. En la orienta parto, Bogø ekde la jaro 1943 konektatas per digo al la najbara insulo Møn. En la insula sudo situas haveno kun aŭta pramo, kiu dum la someraj monatoj regule alternas inter tiu haveno kaj la loko Stubbekøbing sur la insulo Falster.
Vidindaĵoj
Centre de la insulo en la plej alta punkto staras Bogø Mølle, historia ventomuelejo rekonstruita kiel muzeo. En la nordoriento de la insulo, en la arbaro Østerskov, situas la prahistoria dolmena tombo Hulehøj, kiu same restaŭriĝis.
Eksteraj ligiloj
{{{2}}} Mapo