Geografia situo

La konstruaĵo Sparkasse, ĉe la placo D-ro Ruer.

La strato Massenberg. Malantaŭe videblas la urbodomo kaj la Kristo-preĝejo.

Bochum kuŝas sur la platmonteta "Bochumer Landrücken", inter la riveroj Ruhr kaj Emscher, ĉe la limo inter la suda kaj norda karbozonoj de la Ruhr-regiono. La plej alta loko de la urboteritorio situas ĉe la strato Kemnader je 196 metroj, dum la plej malalta loko situas ĉe la strato Blumenkamp en Hordel, je 43 m super marnivelo. De norde suden, la plej granda etendiĝo de la urbo estas 13 kilometroj, kaj de okcidente orienten ĝi estas 17,1 kilometroj. La tuta landlimo kun najbaraj teritorioj longas 67,2 kilometrojn.

Najbaraj komunumoj

La urbo Bochum havas landlimojn kun la jenaj urboj (komence en la nordo horloĝdirekte):
Herne (eksterdistrikta urbo), Castrop-Rauxel (distrikto Recklinghausen), Dortmund (eksterdistrikta urbo), Witten kaj Hattingen (ambaŭ distrikto Ennepe-Ruhr) samkiel Essen kaj Gelsenkirchen (ambaŭ eksterdistriktaj urboj)

Urba subdivido

La urboteritorio de Bochum konsistas el 6 urbodistriktoj. En ĉiu urbodistrikto ekzistas distriktakonsilantaro, ĉiu administrita de distriktestro. La urbodistriktoj mem estas subdividitaj en "statistikajn distriktojn". Plej multaj el ili estis iam memstaraj komunumoj, kaj perdis siajn sendependecojn pro enkomunumigo. La statistikaj distriktoj estas markitaj per ducifraj arabaj nombroj.

• Centra urbodistrikto : 10 Grumme, 11 Gleisdreieck, 13 Altenbochum, 14 Südinnenstadt, 15 Kruppwerke, 16 Hamme, 17 Hordel, 18 Hofstede, 19 Riemke
• Urbodistrikto Wattenscheid : 24 Günnigfeld, 25 Wattenscheid-mezo, 26 Leithe, 27 Westenfeld, 28 Wattenscheid-Höntrop, 29 Eppendorf]
• Norda urbodistrikto : 36 Bergen/ Hiltrop, 37 Gerthe, 38 Harpen/Rosenberg, 39 Kornharpen/Voede-Abzweig
• Orienta urbodistrikto : 46 Laer, 47 Werne, 48 Langendreer, 49 Langendreer-Alter Bahnhof
• Suda urbodistrikto : 53 Wiemelhausen/Brenschede, 54 Stiepel, 55 Querenburg
• Sudokcidenta urbodistrikto : 63 Weitmar-mezo, 64 Weitmar-Mark, 65 Linden, 66 Dahlhausen

Enkomunumigoj

La sinsekvaj fazoj de la enkomunumigoj en la urboteritorion de Bochum

• En 1904 okazis la unuaj enkomunumigoj: Grumme, Hamme, Hofstede kaj Wiemelhausen
• En 1926 okazis dua enkomunumigo: Altenbochum, Bergen, Hordel, Riemke, Weitmar samkiel partoj de Eppendorf kaj Westenfeld estas enigitaj. En la najbarurbon Wattenscheid estas enkomunumigitaj Munscheid, Eppendorf, Günnigfeld, Höntrop, Vestfalia Leithe, Sevinghausen kaj Westenfeld samkiel malgranda parto de Königssteele.
• En 1929 tria granda enkomunumigo: Gerthe, Harpen, Hiltrop, |Laer, Langendreer, Linden-Dahlhausen, Querenburg, Stiepel kaj Werne estas enigitaj
• En 1975 per la aliĝo de Wattenscheid (ekde 1926 eksterdistrikta urbo) al Bochum la urboteritorion atingas sian hodiaŭan etendiĝon

Romkatolika eklezio

Katolika prevosta preĝejo

Ekde sia fondado Bochum apartenis al la ĉefepiskopujo Kolonjo kaj estis subigita la ĉefdiakonadon de la kolonja preposto. Ĉ. 1570 en Bochum enradikiĝis la reformacio. Tamen daŭris ankoraŭ ĝis 1613, kiam la luterana komunumo apartiĝis de la katolika. Ekde 1634 ekestis ankaŭ reformita komunumo. Post tiam la urbo estis plejparte protestanta, sed ĉiam ekzistis ankaŭ katolikoj, kiuj plu apartenis al la ĉefepiskopujo Kolonjo. En 1821 ĝi estis alordigita la episkopujon resp. ĉefepiskopujo Paderborn. Bochum iĝis rezidejo de dekanato, kiu poste estis subdividita en la dekanatojn Bochum-centro, Bochum-sudo kaj Bochum-oriento. Ekde la 31-a de aŭgusto ĝis la 4-a de septembro 1949 en Bochum okazis la 73-a Germana Katolika Foiro sub la devizo „justeco kreas pacon". En 1958 Bochum estis aligita la novfonditan episkopejo Asindo. La cistercianoj starigis la monaĥejon Stiepel. La parokoj de Bochum hodiaŭ apartenas al la urbodekanato Bochum resp. Wattenscheid.

Protestantaj eklezikomunumoj, libereklezioj kaj religiaj komunumoj

La protestantaj komunumoj de Bochum venis per la transiro de la urbo al Prusio al la evangela eklezio en Prusio resp. ties vestfalia provinca eklezio. Bochum iĝis rezidejo de eklezidistrikto, el kiu naskis la hodiaŭa eklezidistrikto Bochum ene de la evangela eklezio en Vestfalio. Tiu ampleksas sur entute 22 evangelajn eklezikomunumojn ene de la urbo Bochum.

Krom la evangelaj kaj katolikaj komunumoj en Bochum ankaŭ ekzistas diversaj libereklezioj, inter ili la komunumo de la kristanoj eklezio, la evangelaj-liberekleziaj komunumoj (baptistoj), Liberaj evangelaj komunumoj, la Memstara evangelia-lutera eklezio (SELK) – du komunumoj –, la libereklezia ligo de la komunumo de Dio k.a. Ankaŭ la novapostola eklezio kaj La Komunumo de Kristanoj samkiel la Atestantoj de Jehovo ekzistas en Bochum.

Juda komunumo

La 14-an de novembro 2005 la prezidanto de la centra konsilantaro de la judoj en Germanio, Paul Spiegel, kaj ĉefurbestro d-rino Ottilie Scholz la fundamentŝtonon por nova sinagogo de la juda komunumo Bochum – Herne – Hattingen ĉe la Castroper Straße. En la oficialan fundamentŝtonon Ottilie Scholz metis krom aktuala gazeto arĝentobrikon kiel memoro pri la tago. La inaŭguradon de la sinagogo okazis la 16-an de decembro 2007.

Islama komunumo

Sekve de la turka inmigrado dum la lasta triono de la 20-a jarcento en Bochum ekestis kvin islamaj komunumoj. Preĝejoj troviĝas ĉe la Schmidtstraße kaj Maximilian-Kolbe-Straße samkiel ĉe la Humboldtstraße kaj Dibergstraße.

Blazono

Blazono de la eksterdistrikta urbo Bochum

La blazono de la urbo Bochum montras sur blua kampo trabon blankruĝe ŝakigitan en tri vicoj, okupita de staranta nigra libro kun ora tranĉo, arĝenta kovilpregaĵo kaj du arĝente ornamitaj fermiloj. La urbokoloroj estas bluo-blanko. La hodiaŭa blazono estis alprenita post la plej nova pligrandigo de la urboteritorio en 1975, je kio la rugblanka trabo estis elprenita el la malnova blazono de Wattenscheid. La malnova blazono de Bochum montris nur la libron sen la rugblanka trabo. Ĝi estis koronata de urbomuro. Tiu ĉi blazono estis oficialigita en 1913 kaj en 1953 konfirmita per la ĉefa regularo de la urbo, kvankam ĝi jam estas videbla en sigeloj el la 14-a jarcento.^[3] La deveno de la libro kiel blazonsimbolo tamen ne konatas. Oni nomumis ĝin foje ankaŭ kiel „rakonta blazono", ĉar oni supozis, la urba nomo „Bochum" devenas de la germana vorto Buch (libro). Tion oni tamen ne povis certigi.

Ĝemelurboj

Bochum ĝemele rilatas kun jenaj urboj:

Sheffield (Unuiĝinta Reĝlando), ekde 1950

Oviedo (Hispanio), ekde 1980

Doneck (Ukrainio), ekde 1987

Nordhausen, ekde 1990

Xuzhou (Ĉinio), ekde 1994 (ekonomia ĝemelurbo)

Kaŝano (Irano)

Bochum ankaŭ estas filiga urbo de la iama distrikto Neidenburg en la iama Orienta Prusio.

Teatro

dramateatro Bochum

La malgranda scenejo de Bochum

Bochum disponas pri pli ol 20 teatroj (komediejo Bochum, muzikteatro, Germana forumo por pupteatra ludado, figurteatro-seminariejo, subĉiela scenejo Wattenscheid, Jarcentohalo, muzika centro de la Ruhr-Universitato Bochum, Princreganto-Teatro, dramateatro Bochum, urbohalo Wattenscheid, kulturdomo Thealozzi, teatro Ecce Homo, teatro Thespis, teatro Total, varietea teatro Et cetera, arbara scenejo Höntrop k.a.)

• Dramateatro Bochum – En iama varietea teatro, konstruita en 1908, establiĝis la urba teatro en 1915 das. Dum la Unua Mondmilito tie gastis la urba teatro el Duseldorfo. Jam baldaŭ la teatro renomiĝis kiel ŝekspira teatro. Dum la Dua Mondmilito preskaŭ detruite, sur ĝiaj fundamentoj ekestis ĝis 1954 la hodiaŭa dramateatro Bochum, kiu ankaŭ arkitekture rimarkindas (Architekto: Gerhard Graubner).

La teatro en Bochum ne nur famas pro siaj intendantoj.

1. Saladin Schmitt (1919–1949)
2. Hans Schalla (1949–1972)
3. Peter Zadek (1972–1979)
4. Claus Peymann (1979–1986)
5. Frank-Patrick Steckel (1986–1995)
6. Leander Haußmann (1995–2000)
7. Matthias Hartmann (2000–2005)
8. Elmar Goerden (seit 2005)

• La jarcentohalo – La jarcentohalo estas unu el la ĉefaj okazejoj de la RuhrTriennale (jartrio).

Muzeoj

Germana minadomuzeo

Artomuzeo Bochum

La urbo Bochum loĝigas pli ol dudek muzeojn: kampodomomuzeo ĉe kastelo Kemnade, Deutsches Bergbaumuseum, Eisenbahnmuseum Dahlhausen, Heimatmuseum Helfs Hof, Kunstsammlungen und Antikenmuseum der Ruhr-Universität, Medizinhistorische Sammlung der Ruhr-Universität Bochum, Museum Bochum – Kunstsammlung, Schulmuseum, Situation Kunst, Telefonmuseum, Zeche Hannover (kun Zeche Knirps) Westfälisches Industriemuseum, Brauereimuseum Fiege, Heimatmuseum Eppendorf.

Museum Bochum – Kunstsammlung: La Museum Bochum estis establita en 1960 en la Vilao Marckhoff. En 1983 la danaj arkitektoj Bo kaj Wohlert pliampleksigis ĝin per novkonstruaĵo. La kolekto enhavas unuflanke germanan arton post 1945 kaj aliaflanke internacian arton el la 20-a jarcento. La muzeo situas vidalvide la sudan ĉefaliron al la urboparko Bochum.

La Deutsches Bergbau-Museum (germana minado-muzeo) estis fondita en la jaro 1930 de la Westfälischen Berggewerkschaftskasse kaj la urbo Bochum. Krome ĝi estas centro de la minindustria esploro en Germanio. La elminigoturo translokita en 1974 de la minejo „Germania" el Dortmund tien super la muzeon intertempe iĝis de malproksime videbla ekkonilo de la urbo. Vizitantoj havas la eblecon, rigardi la urbon ekde du platformoj altaj 50 m kaj 62 metrojn. En 20 haloj estas eksponataj multaj objektoj el la minadohistorio. Sub la muzeo en profundeco de inter 17 kaj 22 m troviĝas la observominejo. Sur vojo longa je 2,5 km estas prezentata la tekniko de la terkarbo- kaj fererco-elmindado ĝis la nuntempo.

Artisto-dokumentejo

La Schlieker-Haus honoras vivon kaj verkon de la Informel-artisto Hans-Jürgen Schlieker (1924–2004).

Muziko

La orkestro de la urbo Bochum, fondita en 1919, evoluis dumpaŝe de sia historio al unu el la plej gravaj koncertensembloj en okcidenta Germanio. Ekde 1994 Steven Sloane estas ĉefdirektisto de la simfoniorkestro Bochumer Symphoniker. En unu el la koncertejoj, la Audimax de la Ruhr-Universitato Bochum, ankaŭ troviĝas unu el la plej modernaj orgenoj el la orgenfarejo Klais kun 82 registroj.

Ekde 1986 en la centro de Bochum ĉiujare okazas la rokfestivalo Bochum Total. Intertempe ĝi estas kun 900.000 spektantoj unu el la plej grandaj koncertoj de Eŭropo.

Kinejoj

En Bochum ekzistas dek kinejoj, i.a.:

• Union Kino Bochum
• Märkisches Kino – Stadthalle Wattenscheid
• Metropolis Filmtheater
• Endstation, Kino en la Bahnhof-Langendreer
• Casablanca Kino

Arkitekturaĵoj kaj vidindaĵoj

Rigardo ekde la elminigoturo de la Bergbaumuseum

Vd. ankaŭ: listo de la ekskursoceloj kaj vidindaĵoj en la Ruhr-regiono

• Urbodomo de Bochum – La konstruado de la urbodomo komencis en 1926. En la jaro 1927 oni metis la fundamentŝtonon kaj inaŭguris ĝin la 20-an de majo 1931. La domo havas plejparte simetrian planon. En la simetriakso de la urbodoma korto kuŝas la halokonstruo kun flankokortoj ambaŭflanke. La ekstera flanko estas modeststila kaj la enirportalo samkiel la duetaĝa antaŭkonstruaĵo ĉe la dekstra fronto estas la ununuraj fasado-ornamaĵoj. La fundamento de la konstruaĵo konsistas el dura granitŝtono, por la fasado oni uzis muŝelkalkon kaj por la tegmento ardezon. En la koridoro kaj reprezentejoj oni uzis marmoron, bronzon kaj panelaĵojn el malhela ligno. La konstruado de la urbodomo kostis 9,25 milionojn da markoj (Reichsmark), laŭ tiamaj cirkonstancoj ega sumo. Pliaj elementoj de la interna korto estas la sonorilturo kaj la fontoj faritaj el travertino kaj bronzo. Unu estas dediĉita al Fortuna kaj ornamita per simbolportantaj infanetoskulpturoj: edziĝoringo kaj pantoflo simbolas geedzofeliĉo, la pomo fekundecon, la malplena monujo optimismon kaj sapvezikoj la iluzion. La kariljono konsistas el 28 gisŝtalsonoriloj kun totala pezo da 2300 kilogramoj, ĉiu inter 375 kaj 4 kilogramoj. Je tio temas pri la unua kariljono mondvaste produktita el gisŝtalo. La sonorilego antaŭ la urbodomo estis en 1867 kiel la plej granda el kvar sonorilegoj atrakcio sur la internacia ekspozicio en Parizo. Ĝi estis gisita de la Bochumer Verein für Bergbau und Gussstahlfabrikation AG. Ĝi staris ĝis 1979 kiel memorejo sur la fabriktereno. La firmao Krupp donacis ĝin en 1979 al la urbo. Je diametro de 3,13 metroj ĝi pezas 15.000 kilogramojn. Ĉar ĝi estis difektita dum la Dua Mondmilito, oni ne plu povas sonorigi ĝin.

Kristo-preĝejo

• Prepostopreĝejo s-taj Petro kaj Paŭlo – La prepostopreĝejo estas la plej malnova preĝejo en Bochum. Jam inter 785 kaj 800 imperiestro Karolo la Granda konstruis sur la areo imperiestran kortegon, kiu estis alikonstruita plurfoje ekde tiam. Interne de la prepostopreĝejo videblas multaj artaĵoj el diversaj epokoj. Elmontrendaj estas la romanika baptoŝtono el la epoko ĉirkaŭ 1175, la relikvujo de la sanktulino Perpetua kaj ŝia sklavino Felicitas samkiel la sakrario kun sia Kristo-skulpturo el la jaro 1352.
• Paŭlo-preĝejo – Post la reformacio protestantoj kaj katolikoj longtempe uzis kune, sed ne ĉiam interkonsente, la ununuran preĝejon en Bochum, la hodiaŭan katolikan prepostopreĝejon. En 1655 la lutera komunumo ekkonstruis propran preĝejon. La modesta renesanca konstruaĵo estis starigita ĝis 1659 per mondonacoj el Nederlando, Svedio, Kurlando kaj Danio. Sian nomon la Paŭlo-preĝejo ricevis nur post 1874, kiam oni kontruintis la Kristo-preĝejon ĉe la urbodomo. La Paŭlo-preĝejo forbrulis sekve de bombatako la 12-an de junio 1943 ĝis la eksteraj muroj, sed postmilite oni rekonstruis ĝin, je kio la konstruaĵo ricevis sian hodiaŭan aspekton similan al mezepoka vilaĝopreĝejo. Por pliefikigi la Paŭlo-preĝejon en la urboaspekton, oni plialtigis en 1949 ĝian turon, kreis malgrandan placon kaj tenis la tujan najbarkonstruadon malalta. La modernaj fenestroj en la absido, kiujn en 1960 kreis la artisto K. Willy Heyer el Bochum, montras la tri stacioj de la ŝanĝiĝo de Saŭlo al Paŭlo, la nomdonanto de la preĝejo. En 1974 oni denove alikonstruis la internon laŭ planoj de Kurt Peter Kremer.
• La Mahnmal des Friedens (pacmemorejo) apud la preĝejo, la t.n. » funebra maljunulino«, devenas de la kolonja skulptisto Gerhard Marcks. Ĝi memoru la teruraĵojn de la Dua Mondmilito kaj la bombatako sur Bochum la 4-an de novembro 1944. La memorejo estis senvualigita en 1955 kaj estas skuptita el bazaltlafo. Montrita estas maljunulino, kiu – verŝajne sensukcese – elrigardas al iu.
• Christuskirche Bochum (Kristo-preĝejo) – La Kristo-preĝejo (starigita 1877–1878) estis detruita dum la Dua Mondmilito escepte la turon. La arkitekto Dieter Oesterlen aldonis en la 1950-aj jaroj modernan novkonstruitan navon.

Zeiss-planetario

• Marienkirche – Per sia ĉirkaŭ 70 metrojn alta novgotika akrotegmento la preĝejo (konstruita ekde 1868 ĝis 1872) dominas la urban pliampleksigon de la urbocentro okcidenten. Maje 2000 ekleziinterne konatiĝis, ke la responsuloj en la komisioj de la s-ta Maria-preĝejo Bochum-centro, preĝejoestraro kaj parokokonsilantaro sub pastro Gerhard Schürmann (paroko s-ta Mejnolfo kaj Maŭrico), decidintis la malkonstruadon de la delonge honorinda Dia loĝejo. La lasta sankta meso en la parokopreĝejo okazis la 22-an de septembro 2002. Ekde tiam la konstruaĵo estas abandonata, la altvaloraj murmozaikoj de la turniĉoj estis simple dehakitaj kaj per tio plejparte detruitaj, la pentritaj fenestrovitroj estis elmuntitaj. La plua sorto de la preĝejo malcertas.

Observatorio, la t.n. „Kap Kaminski"

• Zeiss-planetario Bochum – La planetario troviĝas ĉe la Castroper Straße en Bochum. La konstruaĵo diametras 20 metrojn kaj havas ekranon de ĉirkaŭ 600 m². Kerno de la instalaĵo estas „planetaro", planedarprojekciilo. La unua aparato tiuspeca en Eŭropo ekfunkciis aprile 2000 en Bochum. La planetario proponas plurajn diversajn programojn, ankaŭ specialajn por lernejoklasoj.
• Observatorio Bochum – La observatorio en la urboparto Sundern ofertas ĉiuvendrede inter 19:30 kaj 21:30 la eblecon observi stelojn. Por tio estas multaj teleskopoj je dispono.
• Jarcentohalo – La „Jahrhunderthalle" estis konstruita kiel ekspoziciejo de la Bochumer Verein por la metio-ekspozicio 1902 en Duseldorfo kaj poste reutiligata kiel blovmaŝinohalo por la altfornoj de la Bochumer Verein. Ĝi estis plurfoje pliampleksigita, la nomo „jarcentohalo" signifas hodiaŭ la tutan konstruaĵon, kiu etendiĝas sur areo da 8900 m². Ekde sia sanigo la halo estas utata por eventoj k.e. la RuhrTriennale. Intertempe ĝi iĝis centro de la nova Westpark. La Westpark (okcidenta parko) estis malfermita dum la unua konstruetapo en 1999 kaj pretas ekde 2006. La partifrakcioj de la urbokonsilantaro delonge disputas pri tio, ĉu la urbo bochum entute povas financi la konstruadon de koncertejo por la Bochumer Symphoniker laŭ plano de Thomas van den Valentyn en tuja najbareco kun la.

bovpaŝtisto

• Kuhhirten-Denkmal – La memorejo, staranta inter prepostopreĝejo s-taj Petro kaj Paŭlo kaj Paulopreĝejo montras Fritz Kortebusch kun lia hundo, la lasta bovpaŝtisto de Bochum, kiu pelis la brutaron de la civitanojVieh sur la komuna paŝtejon. La originala skulpturo de 1908 estis fandita dum la Dua Mondmilito. En 1962 oni skulptis novan version. Vd. ankaŭ: Fritz Kortebusch.
• Kemnader See – tiu ĉi baraĵlago servas plejparte al la akvoekonomio, –mastrumado kaj -senpoluigo samkiel al la libertempumado.
• Stiepeler Dorfkirche (vilaĝopreĝejo Stiepel) – Ĉ. 1008 oni konstruis malgrandan salonpreĝejon. Tion instigis la grafino Imma de Stiepel, parenco de imperiestro Henriko la 2-a kaj imperiestrino Kunigunde. Inter 1130 kaj 1170 oni anstataŭis la malnovan preĝejon per nova romanika baziliko. De tiu ĉi preĝejo restis ĝis hodiaŭ la turo kaj la meza kaj kvera navo. Ekde 1150 ĝis 1200 oni ornamis murojn kaj tegmenton per romanikaj pentraĵoj.
• Ruhr-Park – La butikumcentro Ruhr-Park estis malfermita en 1964 kaj pliampleksigita en pluraj konstruetapoj je nun ĉirkaŭ 126.000 m². Ĝi estis la unua tiaspeca butikumcentro en Germanio.
• Fervojmuzeo Bochum-Dahlhausen – la fervojmuzeo situas sur la tereno de la iama fervojfunkciiga fabriko Bochum-Dahlhausen. la instalaĵo estis konstruita ekde 1916 ĝis 1918. Ĉar fine de la 1960-aj jaroj la karboekspluato en la Ruhr-regiono iĝis senprofita kaj la minejoj fermiĝis, iel ankaŭ la ferfojtrafiko en tiu ĉi sektoro reduktiĝis, la funkciigejo iĝis superflua. Ĝi estis fermita la 1-an de aŭgusto 1969 kiel memstara oficejo kaj parte malkonstruita. La elriparo de ŝarĝvagono ĉesis en 1982. La Deutsche Gesellschaft für Eisenbahngeschichte e.V. (societo por fervojhistorio sukcesis ekde la jaro 1968, refunkciigi iom post iom la instalaxjojn kaj starigi la muzeon en la hodiaŭa formo.

La ĉefeniro de la tombejo

• Hauptfriedhof Freigrafendamm – La tombejo situanta en la urboparto Altenbochum estas la plej granda de la urbo. Oni planis kaj establis la ĝardenaĵojn en la 1920-aj jaroj, sed la altkonstruaĵojn je la enirejo oni konstruis nur inter 1935 kaj 1939. La enirpordego, la granda kaj la malgranda funebrohaloj samkiel la kremaciejo plejbone reflektas plej klare la arkitekturon de la naziismo. Dum la Dua Mondmilito la reĝimo utiligis la konstruaĵojn kiel koliso por la centraj funebro-solenaĵoj por la loĝantoj de Bochum, kiuj pereis en la bombmilito. Krom civilaj loĝantoj kaj serio da germanaj soldatoj sur la tombejo estis ankaŭ enterigitaj entute 1720 deviglaborantoj el la iama Sovetunio, kiujn oni enmetis dum la milito prefere en la industrion de armado. Je ili memoras hodiaŭ memorejo en latina kaj cirila skribo.
• Waldorf-lernejo Langendreer, 1965. La konstruaĵo estas eŭropvaste la unua lernejodomo konstruita laŭ la stilo de la „organika arkitekturo". La arkitekto Architekten Werner Seyfert kaj la artisto Wilfried Ogilvie planis ĝin komence de la 1960-aj jaroj. La arkitekto evoluis surbaze de ĉi tiu sperto pluajn Waldorf-lernejojn kun varie formitaj klasĉambroj depende de la aĝoŝtupo de la lernantoj. Ideo, kiun ĝis hodiaŭ nur realigis la antropozofia pedagogio.
• De la komence ses plej gravaj publikaj domoj de la orienta centro planitaj dum la tempo de rekonstruado post la Dua Mondmilito hodiaŭ nur staras ankoraŭ la ĉefstacidomo (1955 - 1957, arkitekto Heinz Ruhl), la Stadtwerkehochhaus (1952 - 1955, arkitekto Ferdinand Keilmann), la profesilernejo por knaboj (1953 - 1954) kaj la Verwaltungs- und Wirtschaftsakademie (1952 - 1955, same de F. Keilmann). Tamen la halonaĝejo Bochum estis malkonstruita en 1998 kontraŭ la antaŭe ekzistanta monumentoprotektado; kelkajn jarojn antaŭa oni forigintis la laboroficejon favore al novkonstruota hotelo.

Sporto

La Löwendenkmal Bochum

Bochum havas transregionan gravecon en la sporto pro la piedpilko-kluboj VfL Bochum kaj SG Wattenscheid 09. Dum kiam tamen la VfL ekde 1971 relative konstante ludas en la unua aŭ dua federacia piedpilkoligo, la SG eniris dekadencon, kiu kulminis en la malsupriĝo el la supra piedpilkoligo dum la sezono 2006/07. Tio tamen validas nur por la unua vira teamo, dum la inoj samsezone atingis la supriĝon en la unuan federacian piedpilkoligon.

Gastejoj

La t.n. „Bermuda-triangulo" estas kun entute 60 trinkejoj kaj restoracioj la plej grava tiaspeca centro de la Ruhr-regiono. Pli ol tri milionoj gastoj vizitas la trinkejaron ĉiujare. Dum somero venas ĝis 30.000 Gäste ĉiutage, dum grandaj eventoj kiel la muzikfestivalo Bochum Total, kiu okazas ĉiujare dum la unua semajnfino de la nordrejnvestfaliaj lernejoferioj, venas ĝis 400.000 vizitantoj ĉiutage. Bochum havas multajn diskludejojn kaj kulturejojn, ekz. la Kulturzentrum Bahnhof Langendreer kaj la Zeche Bochum. Unu el la plej malgrandaj kulturrenkontejoj estas la Café Katzenstube.

La ruĝluma kvartalo de la urbo troviĝas ĉe la okcidenta rando de la centro proksime de la fabrikoj de la Bochumer Verein. La regiontipaj nomoj por la strato estas „Gurke" (kukumo, pro ties longeco), „Eierberg" (Monto Testika) aŭ pli draste „Riemenwalzwerk" (kaclaminejo).

Regulaj eventoj

• Marto/aprilo: orgentagoj de Bochum (komenco: paskolundo)
• Aprilo: majvesperofesto
• Majo: figurteatro de la nacioj
• Junio: Rubissimo – somerfesto de la Ruhr-Universitato
• Junio: ruhrregiona-amatorteatro-renkontiĝo
• Junio: Kemnade internacia
• Junio /julio: somerfesto de la VfL Bochum)
• Junio / julio: Bochum Total la unuan semajnfinon de la somerferioj Nordrejn-Vestfalio)
• Julio /aŭgusto: Bochum kulinarisch (lastan semajnfinon de la somerferioj en Nordrejn-Vestfalio)
• Septembro: internacia kabareto kaj surstrata teatro
• Oktobro: oktobrofoiro
• Oktobro /novembro: Bochumer Bach-tagoj
• Oktobro / novembro: ruhrregiono-antikvaĵotago
• Novembro: infan- kaj junularteatrotagj
• Decembro: kristnaskfoiro

Trafiko

Fervojo, publika enurba persontransporto

La monumentprotektata ĉefstacidomo de Bochum

La urbo estas konektita al la ĉirkaŭaj urboj per multaj fervojligoj kaj havas entute dek stacidomojn kaj trajnhaltejojn. Trafikas ses regionaj kaj ekspresaj regionaj linioj samkiel du interurbaj linioj (S-Bahn) (S1, S3). La ĉefstacidomo de Bochum estas la ununura urba haltejo de longdistancaj trajnoj (ICE kaj IC). Aliras la komunuma mallongdistanca trafiko. En la urbo ekzistas unu plejparte subtera urbfervojolinio (U35 ekde BO-Hustadt al Herne Schloss Strünkede) samkiel kvin tramlinioj, kiuj veturas en la interna urbo same subtere. Entrepreno BOGESTRA tenas multajn busliniojn kadre de la trafikligo Rejn-Ruhr (VRR).

Ŝoseoj

Bochumer Ringo en la ĉirkaŭaĵo de la urbokvartalo Heusnerviertel

En la urboteritorio de Bochum pasas la tri aŭtoŝoseoj A 40 (Dortmund – Venlo), A 43 (Monastero – Wuppertal) kaj A 44 (Akeno – Kassel) samkiel urbaŭtoŝoseo, la Bochumer Ring resp. la iama NS 7. Krome tri pliaj ŝoseoj trairas la urbon: la B 51 (Osnabrück – Bochum – Bitburg), la B 226 (Hagen – Bochum – Gelsenkirchen) kaj la B 235 (Datteln – Bochum – Witten).

Nuntempe estas planita interligo de A 44 kaj A 40 trans la iama NS 7. Laŭ tiutempa planado la rilata etapo de la Bochumer Ring estu altigita al la aŭtoŝoseo A 44. Krome la aŭtoŝoseo A 40 ĝis Essen estu elkonstruoto sestrake. Tiuj ĉi planoj jam estis deciditaj ekde la 1990-aj jaroj, unue por garantii pli bonan alligo de la Opel-fabriko 1 en la urboparto Laer al la trafika reto. Hodiaŭ oni alcelas per tio la plibonigon de la orient-okcidenta transiro tra la Ruhr-regiono.

Rezidantaj entreprenoj

• Bogestra (ĉhefrezidejo) Bochum-Gelsenkirchener Straßenbahnen AG, surloka publika persontransporto
• Gebr. Eickhoff Maschinenfabrik u. Eisengießerei GmbH (maŝinoj kaj gisfero)
• Privatbrauerei Moritz Fiege, (mezgranda regiona bierfarejo)
• Johnson Controls, liveranto por Opel
• Nokia
• Adam Opel GmbH – aŭtofabrikanto
• ThyssenKrupp - ŝtalo
• Bochumer Verein – iama filialo de Thyssen Krupp
• USB Umweltservice Bochum GmbH – urba senrubanto-entrepreno (100 %-ige filialo de de la Bochumer Stadtwerke)
• Deutsche BP AG (ĉefrezidejo)
• Bochumer Eisenhütte Heintzmann GmbH & Co. kg – minindustriaj servoj
• Wollschläger Group (ĉefrezidejo) – komercanto de iloj kaj maŝinoj

Amaskomunikiloj

Publikaj institucioj

• Bergbau-Berufsgenossenschaft (minista asekuro)
• Deutsche Rentenversicherung Knappschaft-Bahn-See (sanitara kaj pensia asekuro)
• Industrie- und Handelskammer im mittleren Ruhrgebiet zu Bochum – Kammerbezirk: Kreisfreie Städte Bochum und Herne sowie die Städte Hattingen und Witten des Ennepe-Ruhr-Kreises (kvazaŭŝtata organizaĵo kun deviga membreco por ĉiuj enterprenistoj de la regiono.

Sanitara servo

Kelkaj malsanulejoj troviĝas en la interna urbo, dum kiam aliaj troviĝas en la iamaj komunumoj kaj hodiaŭa urbopartoj:

• Berufsgenossenschaftliches Universitätsklinikum Bergmannsheil
• Knappschaftskrankenhaus Bochum-Langendreer
• St. Josef-Hospital Bochum
• St. Josefs-Hospital Bochum-Linden
• St. Elisabeth-Hospital Bochum
• Augusta-Kranken-Anstalt
• Zentrum für Psychiatrie
• Klinik für Kinder- und Jugendmedizin
• Martin-Luther-Krankenhaus
• Marien-Hospital Wattenscheid
• St. Maria-Hilf-Krankenhaus

Kelkaj el ili estas kadre de la t.n. Bochumer Modell (modelo de Bochum) ankaŭ universitataj klinikoj de la Ruhr-Universitato.

Altlernejoj

Audi Max de la Ruhr-Universitato Bochum

Teknika fakaltlernejo Georg Agricola

en Bochum troviĝas jenaj sep altlernejoj:

• Ruhr-Universitato Bochum, la plej granda kampo-universitato de Germanio, fondita en 1965
• Altlernejo Bochum, fondita en 1972 el pluraj antaŭantaj institutoj, inter ili la ŝtata inĝenierlernejo por maŝinkonstruado, la ŝtata inĝenierlernejo por konstruado Recklinghausen kaj la supra ekonomilernejo Bochum
• Technische Fachhochschule Georg Agricola (teknika fakaltlernejo)– La altlernejo baziĝas sur la minadolernejo Bochum fondita en 1816. En 1971 oni starigis la fakaltlernejon pri minado, kiun ektenis en 1990 Deutsche Montan Technologie-Gesellschaft für Lehre und Bildung mbH (DMT-LB). Ekde 1995 la fakaltlernejo tenas sian hodiaŭan nomon.
• Evangelische Fachhochschule Rheinland-Westfalen-Lippe – La fakaltlernejo, ŝtate agnoskita en 1971, devenas el pluraj ekleziaj kaj diakonaj institucioj.
• Fachhochschule des Bundes für öffentliche Verwaltung, la fakultato sociala asekuro de la federacia fakaltlernejo por publika administrado posedas krom sia ĉefrezidejo en Berlin ankaŭ rezidejon en Bochum (ĉe la Deutschen Rentenversicherung Knappschaft-Bahn-See).
• Schauspielschule Bochum – La iama Westfälische Schauspielschule eniĝis la 1-an de januaro 2000 la Folkwang-Altlernejon en Essen.

Lernejoj

Gymnasium am Ostring

Malnova profesio-lernejo

Willy-Brandt-Gesamtschule (ĝenerallernejo) en Langendreer

En Bochum krom 61 bazaj lernejoj, 9 dugrada elementlernejo kaj 14 helplernejoj ekzistas 11 gimnazioj:

• Albert-Einstein-Schule
• Goethe-Schule Bochum
• Graf-Engelbert-Schule
• Gymnasium am Ostring
• Heinrich-von-Kleist-Schule
• Hellweg-Schule
• Hildegardis-Schule
• Lessing-Schule
• Märkische Schule
• Schiller-Schule und
• Theodor-Körner-Schule

krome la 5 ĝenerallernejoj

• Erich Kästner-Gesamtschule Schule
• Heinrich-Böll-Gesamtschule
• Maria Sibylla Merian-Gesamtschule
• Willy-Brandt-Gesamtschule und die
• Matthias-Claudius-Schulen.

kaj 8 reallernejoj

• Anne-Frank-Schule
• Annette-von-Droste-Hülshoff-Schule
• Franz-Dinnendahl-Schule
• Hans-Böckler-Schule
• Helene-Lange-Schule
• Hugo-Schultz-Schule
• Pestalozzi-Schule
• Realschule Höntrop

Krome ekzistas de antropozofiaj lernejoj (Waldorfschulen)

• Rudolf Steiner Schule Bochum
• Widar Schule Wattenscheid

La Louis-Baare-Berufskolleg havas pli ol 3.000 lernantojn. La muziklernejo Bochum ĉitempe instruas ĉirkaŭ 7.000 lernantojn.

Societoj

• Madonna e. V. estas en 1991 fondita societo de komuna utilo, kiu engaĝiĝis por la interesoj kaj la necesoj de ĉiesulinoj. Laŭ propraj informoj de la societo ĝi estas la ununura porprostituitina ligo en Nordrejn-Vestfalio.

Urbanidoj

Heinrich Graf Ostermann

• Graf Heinrich Johann Friedrich Ostermann (ruse: Andrej Iwanowitsch; 1686–1747), rusa diplomato kaj ŝtatisto
• Adalbert von der Recke-Volmerstein (1791–1878), kunfondinto de la diakonio
• Wenceslaus Straussfeld (1867–1933), fondinto de la Kolleg St. Ludwig en Nederlando
• Friedrich Albert Groeteken (1878-1961), sacerdoto, instruisto, verkisto kaj hejmlandesploranto
• Heinrich Schmiedeknecht (1880–1962), arkitekto
• Ottilie Schoenewald (1883–1961), politikistino kaj batalanto por virinaj rajtoj
• Maria Backenecker (1893–1931), komunisma politikistino
• August Oppenberg (1896–1977), pentristo
• Nora Platiel (1896–1979), socialdemokratia politikistino, juristino kaj rezistantino kontraŭ la naziismo
• Hans Fritzsche (1900–1953), ĵurnalisto, naziulo kaj funkciulo de la propagandoministrejo sub Joseph Goebbels
• Paul Sethe (1901–1967), ĵurnalisto, fondoeldonisto de la FAZ
• Siegfried Balke (1902–1984), politikisto (CSU), MdB, federacia ministro por la poŝt- kaj telkomunikado (1953–1956), federacia ministro por nuklea energio kaj akvoekonomio (1956–1962), prezidanto de la federacia dungantarligoj BDA (1964–1969)
• Josef Kappius (1907–1967), rezistanto kontraŭ la naziismo (ISK) kaj politikisto (MdL, SPD)
• Hans Werdehausen (1910–1977), pentristo kaj fondinto de la grupo „junger westen"
• Friedrich Rische (1914-2007), politikisto (KPD), MdB
• Siegfried Reda (1916–1968), komponisto kaj orgenisto
• Heinz Oskar Vetter (1917–1990), Vorsitzender des Deutschen Gewerkschaftsbundes DGB (1969–1982)
• Heinz Kaminski (1921–2002), kemiinĝeniero kaj radioastronomo, estro de la observatorio „Kap Kaminski"
• Gershon Kingsley (* 1922), juda komponisto („Popcorn")
• Peter Scholl-Latour (* 1924), ĵurnalisto, eldonisto kaj libroverkisto
• Hans Matthöfer (* 1925), federacia ministro por esploro kaj teknologio (1974–1978), federacia ministro por financoj (1978–1982), federacia ministro por poŝt- kaj telekomunikado (1982)
• Manfred Eigen (* 1927), fizikkemiisto (1967 Nobel-premio pri kemio)
• Friedrich Gräsel (* 1927), artisto
• Sybil Gräfin Schönfeldt (* 1927), verkistino
• Friedhelm Busse (* 1929), novnaziulo, prezidis ĝis ties malpermeso la ekstremdekstrulan FAP, NPD-membro
• Friedrich Witt (* 1930), kontrabasisto
• Otto Schily (* 1932), paranojulo
• Benno Schmidt (1932-2022), ekonomikisto kaj rekorda montogrimpisto
• Gisbert Schneider (* 1934), profesoro kaj eklezimuzikdirektoro
• Werner Stengel (* 1936), inĝeniero, kiu renomiĝis pri konstruado de la onda fervojo.
• Wolfgang Clement (* 1940), iama ministroprezidento de Nordrejn-Vestfalio, federacia ministro por ekonomio kaj kontraŭ laboro (2002–2005)
• Uwe Vorkötter (* 1953), ĵurnalisto kaj ĉefredaktoro de la Frankfurter Rundschau
• Fritz Eckenga (* 1955), kabaretisto
• Hans Werner Olm (* 1955), kabaretisto
• Axel Rudi Pell (* 1960), muzikisto
• Dirk Sondermann (* 1960), sagaesploristo und verkisto
• Ingo Naujoks (* 1962), aktoro
• Thomas Hermanns (* 1963), kabaretisto
• Frank Goosen (* 1966), verkisto, kabaretisto
• Hennes Bender (* 1968), kabaretisto
• Michael Härle (* 1968), aktoro
• Nicole Glocke (* 1969), verkistino
• Kai Schürholt (* 1971), unuigas en sia persono la profesiojn de politikisto, laikopredikanto kaj kavalirfripono
• Bastian Pastewka (* 1972), aktoro kaj komediisto
• Michael Wurst (* 1975), kantisto
• Patrick Joswig (* 1975), aktoro

Aliaj

Carl Arnold Kortum, memportreto

Krom tiuj jenaj personoj estas ligitaj al Bochum, tamen naskiĝis aliloke:

• Carl Arnold Kortum (1745–1824), Kuracisto kaj verkisto
• Johann Joachim Schlegel (1821–1880), bierfaristo kaj fondinto de la bierfarejo Schlegel Brauerei AG
• Carlos Otto (konata kiel „Dr. C. Otto"; 1838–1897), kemiisto (disĉiplo de Liebig) kaj entreprenofondinto
• Karl Elkart (1880–1959), arkitekto kaj urboplanisto, 1912–1918 urbokonstruestro en Bochum, poste urbokonstrukonsilanto en Berlino-Spandau resp. senatoro kaj urbokonstrukonsilanto en Hanovro samkiel honorariprofesoro ĉe la teknika altlernejo Hanovro
• Else Hirsch (* 1889), juda instruistino, kiu dum la epoko de la naziismo organizis infantransportojn al Anglio
• Josef Hermann Dufhues (1908–1971), politikisto, prezidinto de la Junge Union, aferdirektanta prezidanto de la naziula partio CDU, ministro pri internaj aferoj de Nordrejn-Vestfalio, aktivis en Bochum kiel juĝisto same kiel advokato kaj notario
• Hans-Jürgen Schlieker (1924–2004), altlerneja instruisto, pentristo kaj grafikisto de Informel
• Tana Schanzara (* 1925), aktorino ĉe la dramateatro Bochum
• Klaus Steilmann (* 1929), tekstilentreprenisto en Bochum-Wattenscheid
• Kurt Biedenkopf (* 1930), germana politikisto, estis ekde 1967 ĝis 1969 rektoro de la Ruhr-Universität Bochum
• Knut Ipsen (* 1935), prezidanto de la germana ruĝa kruco kaj rektoro de la Ruhr-Universitato Bochum
• Joachim Hermann Luger (* 1943), aktoro, loĝas en Bochum ekde la 1970-aj jaroj.
• Dietrich Grönemeyer (* 1952), kuracisto kaj fondinto de la mikroterapio, frato de Herbert Grönemeyer, alkreskis en Bochum
• Armin Rohde (* 1955), aktoro
• Claude-Oliver Rudolph (* 1956), aktoro
• Ralf Richter (* 1957), aktoro
• Karl-Heinz von Liebezeit (* 1960), aktoro, lernis je gimnazio kaj aktorlernejo en Bochum
• Jochen Malmsheimer (* 1961), kabaretisto, alkreskis en Bochum

Aktivecoj

• Lingvoflegado
• Preparado de la Germana Esperanto-Kongreso okazonta pentekoste 2008 en Essen
• Grupopartnerecoj inter la Eo-grupoj el Helmond / Eindhoven (Nederlando) kaj Essen.
• Redaktado de ReVo kaj Esperanto, la bulteno de la landa Eo-organizaĵo ReVELo

Kontakto

Prezidanto estas ekde 2007 Ludger Schméink. Li estas atingebla per la esperantlingva paĝo ĉe EsperantoLand Arkivigite je 2012-03-01 per la retarkivo Wayback Machine