Bisammonto (monto, ĉar ekzistas samnoma foira komunumo) (germane Bisamberg), 358 m, formas kun la suda Leopoldomonto (germane Leopoldsberg) la trarompon de Danubo, nomata Viena Pordo (germane Wiener Pforte), ĉe la norda rando de Vieno. Bisam signifas "felo de ondatro".
Geografio
Bisammonto, ĉe la maldekstra bordo de Danubo, situas plejparte en la samnoma foira komunumo Bisamberg, pliaj branĉoj en la foiraj komunumoj de Malsupra Aŭstrio Langenzers-vilaĝo (Langenzersdorf) [Langencersdorf], Hagenbrunn kaj la suda branĉo etendiĝas ĝis la 21-a distrikto de Vieno, Floridsdorf. Trans la Danubo situas Klostronovburgo, Urbo de la Interpopola Kompreniĝo.
De 1933 al 2008 tie funkciis la potenca Sendilo Bisammonto. La 24-an de februaro 2010 oni malkonstruis la 2 mezondajn sendomastojn per eksplodigoj, la sendostacio - sub monumenta protekto - restas kiel muzeo.
Mezonda sendostacio Bisammonto antaŭ la 24-a de februaro 2010
Bisammonto sen sendomastoj post la 24-a de februaro 2010
Rigardo al Danubo kaj Bisammonto de Klostronovburgo
Ŝipo sur Danubo kun Bisammonto