| Capriasca | |
|---|---|
 Blazono de Capriasca | |
| Blazono de Capriasca | |
 Preĝejo Sankta Stefano en Tesserete, Capriasca | |
| Preĝejo Sankta Stefano en Tesserete, Capriasca | |
| Kantono | Tiĉino |
| Distrikto | Lugano |
| Komunumaro | Capriasca |
| Koordinatoj | 46° 4′ 0″ N 8° 58′ 0″ O / 46.06667 °N, 8.96667 °O (mapo)Koordinatoj: 46° 4′ 0″ N 8° 58′ 0″ O / 46.06667 °N, 8.96667 °O (mapo) |
| Nombro de loĝantoj | 6306 |
| Areo | 36,35 km² |
| Alteco | 529 m super marnivelo |
| Poŝtkodo | 6950 Tesserete 6953 Lugaggia 6954 Sala Capriasca 6955 Cagiallo 6956 Lopagno 6957 Roveredo 6958 Bidogno |
| Komunumkodo | 5226 |
 Mapo de Capriasca | |
| Mapo de Capriasca | |
Capriasca estas komunumo de la komunumaro Capriasca kaj la distrikto Lugano en Kantono Tiĉino, Svislando. Ĝi havis 6306 loĝantojn je la 31-a de decembro 2011.
Geografio
Capriasca situas ĉe la suda flanko de la Sudaj Antaŭalpoj, proksimume 6 kilometrojn norde de lugano. La komunumo konsistas el la vilaĝoj Bidogno, Bigorio, Cagiallo, Campestro, Corticiasca, Lopagno, Lugaggia, Roveredo, Sala Capriasca, Tesserete, kaj Vaglio. [1]
La teritorio de la komunumo etendiĝas sur areo de 36,35 km², de kiuj 64,9% estas kovritaj de arbaro, 21,0% servas por agrikulturo kaj 7,1% por setlado. [2]
Najbaraj komunumoj
La komunumo Capriasca limas en nordo al Isone, en nordnordoriento al montara eksklavo de la komunumo Ponte Capriasca, en nordoriento al Valcolla, en sudoriento al Sonvico, en sudsudoriento al Cadro, en sudo al Canobbio, en sudsudokcidento al Comano, en sudokcidento al Origlio, en okcidentsudokcidento al Ponte Capriasca, en okcidento al Monteceneri, en okcidentnordokcidento al Mezzovico-Vira, kaj en nordokcidento denove al Monteceneri. Inter Capriasca kaj Valcolla krome ekzistas la interkomunuma teritorio Capriascsa-Valcolla.
Trafiko
De Lugano al Tesserete kondukas la kantona ĉefvojo 399.1 ankaŭ nomita Vojo de Tesserete. La plej proksima alveturejo al la svisa aŭtovojo A2 estas Lugano-Nordo, kiu situas proksimume 8 kilometrojn sudokcidente de la komunumo en Manno. En la 20-a jarcento ekzistis etspura trama fervojlinio de Lugano al Tesserete, kiu funkciis de 1909 ĝis 1967, kiam ĝi estis anstataŭita de buslinio.
Historio
La unua dokumenta mencio de Capriasca datiĝas el la jaro 1078 kiel Criviasche. [3] La hodiaŭa komunumo estiĝis en oktobro 2001 per kunigo de la antaŭe aŭtonomaj komunumoj Tesserete, Cagiallo, Sala Capriasca, Lopagno, Vaglio kaj Roveredo. La komunumo Sala Capriasca kontraŭstaris la kunigon, kiu estis decidita pere de kantona baloto. La Federacia Tribunalo tamen akceptis la validecon de la baloto, kaj Sala Capriasca devis kontraŭvole aliĝi al la nova komunumo. En la jaro 2008 ankaŭ la iamaj komunumoj Bidogno, Corticiasca, kaj Lugaggia estis inegritaj al la nova komunumo.[4]
Vidu ankaŭ
- Aliaj signifoj de Capriasca (komunumaro)
Notoj kaj referencoj
- ↑ Fonto: Reta mapo 1:20000 de Swisstopo
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Antonio Gilli: Capriasca (regiono) en Historia Leksikono de Svislando (2010-10-14)
- ↑ Fonto: Antonio Gilli: Capriasca (komunumo) en Historia Leksikono de Svislando (2010-10-14)
Eksteraj ligiloj
- Vidu ankaŭ en la Vikimedia Komunejo la kategorion Capriasca – (Kolekto de bildoj kaj plurmediaj dosieroj)
| ||||||
