Diversaj marvermoj ( el libro "Das Meer" de Matthias Schleiden)
La bentoso (de la antikva greka βένθος, benthos, = profundo) estas la tutaĵo de la akvaj organismoj kiuj vivas en, sur aŭ proksime de la fundo de oceanoj, maroj, aŭ lagoj (Benta zono). La bentoso kontraŭas al la pelago, kiu enloĝas la tutan akvan mason.
Laŭ iliaj vivmaniero, la bentosaj estaĵoj estas dirataj:
- Vagantaj kiam ili moviĝas sur aŭ proksime de fundo,
- Epibentosaj kiam ili estas fiksataj ĉe la fundo,
- Endobentosaj kiam ili enfosiĝas en la fundon.
Laŭ iliaj grandecoj, bentosaj estaĵoj estas dirataj:
- Makrobentosaj: pli grandaj ol 1 mm,
- Mezobentosaj de grandeco inter 63 µm kaj 1 mm,
- Mikrobentosaj malpli ol 63 µm.
La bentosa zono, laŭ ĝia profundo, estas nomata:
- la kontinenta ebenaĵo, de 0 ĝis 200 m de profundo,
- la kontinenta taluso, de 200 ĝis 2000 m,
- la marabismo, de 2000 ĝis 6000 m
- la hada zono, pli profunda ol 6000 m (ĝia malkulmino atingus 11 000 m).
Bildaro
Eksteraj ligiloj
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.