Belgaj eŭro-moneroj

€

La eŭro (EUR aŭ €) estas la komuna monunuo por 20 el la 27 landoj de la Eŭropa Unio, inkluzive de Belgio, kaj de 4 nemembraj ŝtatetoj ene de la Eŭropa Unio. La moneroj kaj monbiletoj ekuziĝis je la 1-a de januaro 2002, sed la presa (stampa) jaro foje montras sin tiel frue kiel 1999, kiam la monunuo oficiale ekestis kaj oni ekproduktis la monerojn. La belgajn eŭro-monerojn produktigas la Nacia Banko de Belgio.

Ĉiuj moneroj havas flankon komunan, kiu montras la valuton de la monero, kaj ĉiu lando, kiu partoprenas la eŭron, havas proprajn desegnaĵojn sur la alia flanko de la moneroj. Ĉi tiuj varias, ekde ĉiam sama desegnaĵo (ekzemple Estonio kaj Irlando) aŭ simpla montro de la monarĥo (ekzemple Belgio kaj Nederlando) ĝis tute malsama desegnaĵo ĉe ĉiu monero (ekzemple Grekio kaj Italio). Tamen, ĉiuj moneroj iel montras 12 stelojn ankaŭ sur tiu flanko.

Bildoj de la naciaj flankoj de la belgaj eŭro-moneroj

Eŭro-moneroj
Eŭrozono
Aŭstrio Belgio Estonio Finnlando Francio Germanio Grekio Hispanio Irlando Italio Kipro Kroatio Latvio (ekde januaro 2014) Litovio (ekde januaro 2015) Luksemburgo Malto Nederlando Portugalio Slovakio Slovenio
Landoj ekster EU kun propraj eŭro-moneroj
Andoro (moneroj ekde 2014) Monako San-Marino Vatikanurbo
Ontaj membroj de la Eŭrozono
Bulgario Ĉeĥio Hungario Pollando Rumanio

La belgaj eŭro-moneroj ĉiuj portas la saman desegnaĵon: la portreton de reĝo Alberto la 2-a de Belgio, kaj lian reĝan unuliteraĵon. Dum 2005 Belgio kaj Luksemburgio eldonis komunan moneron de 2 eŭroj kun la bildo de la belga reĝo Alberto la 2-a kaj la luksemburgia grandduko Hendriko. La 29-an de marto 2006 aperis 2-eŭra monero kun la bildo de Atomium en 5 milionoj da ekzempleroj.

Dum 2002, du polaj statistikistoj eksperimente trovis, ke la belga 1-eŭra monero, ĵetita hazarde, falas pli ofte nacia flanko supren, ol komuna flanko supren.

**Naciaj flankoj**
0,01 €	0,02 €	0,05 €

Portreto kaj unuliteraĵo de Alberto la 2-a Desegnis Jan Alfons Keustermans.
0,10 €	0,20 €	0,50 €

Portreto kaj unuliteraĵo de Alberto la 2-a Desegnis Jan Alfons Keustermans.
1,00 €	2,00 €	2 € ĉirkaŭo
		alterne * * kaj cifero "2", po ses-foje, do entute 12 steloj
Portreto kaj unuliteraĵo de Alberto la 2-a. Desegnis Jan Alfons Keustermans.

Vidu ankaŭ la paĝojn pri

bildoj de komunaj flankoj de eŭro-moneroj.
la komuna valuto eŭro
la antaŭa nacia valuto belga franko

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.