Bebo Valdés | |
---|---|
![]() | |
Persona informo | |
Naskonomo | Ramón Emilio Valdés Amaro |
Naskiĝo | 9-an de oktobro 1918 en Quivicán |
Morto | 22-an de marto 2013 (94-jaraĝa) en Stokholmo |
Mortokialo | Alzheimer-malsano |
Ŝtataneco | Kubo |
Familio | |
Infano | Chucho Valdés |
Okupo | |
Okupo | komponisto • pianisto • ĵazmuzikisto • muzikproduktisto • dirigento |
Bebo VALDÉS (naskiĝis la 9-an de oktobro 1918 en Havano, Kubo, mortis la 22-an de marto 2013 en Stokholmo, Svedio [1]) estis pianisto kaj komponisto de Kubo.
Biografio
Patro de pianisto Chucho Valdés, Bebo ekkonis sukceson dum la 1940-aj kaj la 1950-aj jaroj kiel pioniro de Afro-kuba ĵazo. Vivinte en Svedio, li reaperis sur la internacia scenejo, 76-jaraĝa, kiam li registris en Germanio kun saksofonisto Paquito D'Rivera.
Bebo Valdés partoprenis en filmo Calle 54 de Fernando Trueba, kie li interalie ludis duope kun sia filo Chucho. Li poste registris albumon El arte del sabor (2001) kun Cachao kaj Patato Valdés, kiu ricevis premion Grammy. En 2010, li komponis la filmmuzikon por la filmo Chico y Rita de Fernando Trueba kaj Javier Mariscal.
En 2002, li akompanis la kantiston de flamenko Diego el Cigala por la disko Lágrimas negras, produktita de Javier Limón, internacia sukceso ankaŭ rekompencita per premio Grammy.
Alia filo de Bebo Valdés, Rickard, ludas en la sveda grupo de kuba sono Calle Real.
Referencoj
- ↑ AFP (23 marto 2013). Mort du pianiste cubain Bebo Valdes.