Louis Nicolas Le Tonnelier de Breteuil
Persona informo
Naskiĝo 14-an de septembro 1648 (1648-09-14)
en Monpeljero
Morto 24-an de majo 1728 (1728-05-24) (79-jaraĝa)
en Parizo
Lingvoj franca
Ŝtataneco Francio
Familio
Patro Louis Le Tonnelier de Breteuil
Frat(in)o Antoine Le Tonnelier de Breteuil
Edz(in)o Gabrielle-Anne de Froulay
Infanoj Émilie du Châtelet • Élisabeth Théodore Le Tonnelier de Breteuil • Charles Auguste Le Tonnelier de Breteuil
Okupo
Okupo diplomato • politikisto
La barono de Breteuil fare de Hyacinthe Rigaud

Louis Nicolas Le Tonnelier, barono de Preuilly en Touraine, kaj de Breteuil estis oficiro de la maison du Roi (reĝa instanco) dum la regado de Ludoviko la 14-a, introducteur des ambassadeurs (enkondukisto de ambasadoroj), naskiĝinta la 14an de septembro 1648 ĉe Montpellier kaj mortinta la 24an de majo 1728.

Biografio

Louis Nicolas Le Tonnelier estis la plej juna filo de Louis Le Tonnelier, intendant du Languedoc kaj konsilisto de la Parlamento de Parizo.

Iama legisto de la Reĝo, kio permesis al li ĉeesti dum lia ellitiĝo, li estis sendita en 1682 de Ludoviko la 14-a ĉe la duko de Mantovo kiel eksterordinara sendito. Lia misio estis kontroli la aplikon de la sekreta traktato farita inter Karolo la 3-a Gonzago, kaj antaŭvidi la ŝancojn de Francio en Mantovo kaj Montferrat.

Li ricevis kaj liberiĝis el diversaj postenoj per vendado kaj aĉetado kio estis kutima inter nobeloj kaj altaj funkciuloj tiame (Antikva Reĝimo).

Louis Nicolas Le Tonnelier edziĝis en 1697 kun Gabrielle Anne de Froulay. Li estis la patro de la markizino du Châtelet kaj de la abatino Élisabeth Théodore Le Tonnelier de Breteuil, nome abatino de Breteuil.

Li iĝis introducteur des ambassadeurs (enkondukisto de ambasadoroj) kvankam li ne estis ankoraŭ nobelo. En 1699, li aĉetis la bienon de Preuilly, unua baroneco de Turanĝio, kies titolon li ekprenis. En 1706, li akiris rajtigon porti la nomon de Breteuil nure, aŭ kun tiu de Preuilly.

Bibliografio

  • Marie-Lan Nguyen: Les officiers de la Maison du Roi et le cérémonial public de Henri III à Louis XVI. Mémoire de DEA, University de Paris-IV, 2000
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.