Bambi kaj la Princo de la Arbaro (Bambi II en la angla lingvo) estas animacia filmo produktita de Disney kaj publikigita en 2006. La rakonto de la filmo okazas paralele al la originala filmo.

Intrigo

La filmo rakontas la historion de Bambi, la cervido, ĉefrolulo de la unua filmo, kiam, post la morto de lia patrino, lia mistera patro la "Granda Princo de la Arbaro" (brile interpretita de Patrick Stewart), devas zorgi pri li. La Granda Princo nur atendas de Bambi, ke li kondutu digne kaj klopodu iĝi Princo de la Arbaro, sen rimarki ke la juna cervo ankoraŭ suferas pro la perdo de la patrino kaj bezonas lian amon; dume Bambi iom post iom konatiĝas kun sia patro kaj verve deziras esti kiel li, sed sentas sin frustrita kaj forlasita, ne povante egali lin. Bambi kunvenas kun siaj malnovaj amikoj kaj alfrontas plurajn fojojn la minacojn de la arbaro, kies plej danĝera estas la ĉeesto de la homo. Tiel, dum la patro instruas al la filo la vojon por iĝi adolto, la valoron, la filo instruas al la patro la vojon por iĝi vera patro: la amon.

Ĉefparolantoj

• Patrick Stewart : Granda Princo de la Arbaro
• Alexander Gould : Bambi
• Keith Ferguson : Friend Owl (la strigo)
• Brendon Baerg : Frapulo
• Nicky Jones : Floro
• Andrea Bowen : Faline
• Anthony Ghannam : Ronno
• Makenna Cowgill, Emma Rose Lima, Ariel Winter : fratinoj de Frapulo
• Brian Pimental : Groundhog / Porcupine (marmoto / histriko)
• Carolyn Hennesy : Patrino de Bambi
• Cree Summer : Mina / Mena