Situo de Bakony en Hungario
Bakony [bakonj] estas mezalta montaro en Hungario en Transdanubio. Plejparto de la montaro troviĝas en departemento Veszprém.
Montaro Bakony
Valo Cuha, kiu estas pitoreska parto de Bakony
Bazaj informoj
- Areo: 4000 km2
- Plej altaj montoj: Kőris-monto 709 m, Kék-monto 661 m, Som-monto 649 m, Meza-Hajag 646 m, Papod 644 m
- Rokaĵoj: karsto aŭ sedimentaj rokaĵoj, kalkŝtono, dolomito, marno, sude iom da vulkana bazalto
Ofte oni aldonas la montojn ĉe Keszthely kaj norda Balatono al Bakony, kie menciindaj eksvulkanoj estas Badacsony kaj Tihany.
Granda parto de la montaro naskiĝis dum la triaso kaj ĵurasio. Poste pro abrazio malaperis la tranĉaj montoj, restis nur mildaj deklivoj.
Sur pinto de Kab-monto (599 m) televizia dissenda antenoturo funkcias, kiu provizas la tutan nordan Transdanubion. Ĉe la Balatono oni kultivas vinberojn. Longe oni minadis en Bakony baŭksiton, manganon, karbon kaj kalkŝtonon.
Plej grandaj urboj en la montaro estas Veszprém, Ajka kaj Zirc.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.